Rydym am gefnogi prosiectau ymchwil a datblygu a fydd yn rhoi cyfle i ddatblygu a phrofi syniadau, ymchwilio i farchnadoedd newydd a magu partneriaethau newydd.
Oherwydd natur ymchwil a datblygu, ni fyddwn bob amser yn disgwyl y bydd canlyniad clir.
Rydym yn awyddus i ariannu:
- Cynigion sy’n canolbwyntio ar ddatblygu ymarfer creadigol
- Prosiectau sy'n dangos gwerth am arian
- Prosiectau sy'n cynnwys profi a gwerthuso syniadau newydd a ffyrdd newydd o weithio
- Prosiectau sy'n profi gwaith arloesol na fydd efallai'n llwyddo ond sydd o hyd yn cynnig cyfleoedd dysgu gwerthfawr
- Prosiectau sy'n dod â grŵp o artistiaid neu weithwyr llawrydd ynghyd i archwilio cyfleoedd creadigol gan gynyddu effaith ein harian i'r eithaf
- Prosiectau sy'n ymgysylltu’n dargedol â buddiolwyr wrth ddatblygu'r gweithgarwch
- Rhaglenni gwaith sy'n darganfod yn artistig o’r newydd, datblygu cymunedol a datblygu talent artistig
- Prosiectau sydd â chymorth partner a all gynnig adborth beirniadol wrth gynllunio, datblygu, creu a / neu gyflwyno gwaith neu ddatblygiad unigol
- Prosiectau sy'n cynnwys cyflwyno gwaith sydd ar y gweill i gynulleidfa brawf neu i ddarpar hyrwyddwyr a rhanddeiliaid os yw'n briodol
- Prosiectau sy'n cyfuno elfennau o ddatblygiad proffesiynol (drwy hyfforddiant neu ddatblygiad busnes, er enghraifft) ag amser i fyfyrio a chreu gwaith
Ni allwn ariannu:
- Prosiectau sy'n cyflawni gwaith ar wahân heb unrhyw lais beirniadol allanol na chefnogaeth bartner
- Prosiectau na fyddant yn dangos budd pendant i'n buddsoddiad
- Prosiectau nad oes ganddynt y potensial i ymddatblygu’n bellach
- Prosiectau nad ydynt yn ystyried effaith yr ymchwil a'r datblygiad ar y budd hir dymor i'r unigolyn, y sefydliad neu'r sector ehangach
- Gweithio ar wahân heb ystyried effaith ehangach na gwerth yr ymchwil a datblygu
- Cynigion heb unrhyw fudd clir yn yr hir dymor i ymarfer creadigol na'r sector ehangach
- Prosiectau nad ydynt yn ystyried sut i ymgysylltu â chynulleidfa yn y dyfodol neu nad oes ganddynt gynulleidfa glir mewn golwg
- Prosiectau sy'n canolbwyntio'n llwyr ar gael eich talu i gyflawni gwaith heb unrhyw fuddiolwyr ehangach