Beth yw Archwilio?
Nid datblygiad proffesiynol parhaus cyffredin yw Archwilio. Mae'n rhaglen ddysgu broffesiynol feiddgar, ysbrydoledig a hollol rad ac am ddim i athrawon, staff cymorth ac arweinwyr ysgolion ledled Cymru. Dan arweiniad tîm o Hwyluswyr Dysgu Creadigol arbenigol, mae Archwilio yn eich cyflwyno i addysgeg Dysgu Creadigol trwy sesiynau ymarferol sy'n canolbwyntio ar naill ai ddylunio cwricwlwm, llythrennedd neu iechyd a lles.
Trwy ymarferion ymarferol, astudiaethau achos a myfyrio, mae Archwilio yn eich gwahodd i gamu y tu hwnt i'r cyffredin, rhoi cynnig ar ddulliau addysgu ffres a chreadigol. P'un a ydych chi'n newydd i ddysgu creadigol neu'n barod i ddyfnhau eich ymarfer, bydd Archwilio yn sbarduno syniadau y gallwch eu dwyn yn ôl i'ch ystafell ddosbarth ar unwaith. Byddwch yn gadael yn llawn egni, yn llawn cymhelliant ac yn fwy parod i gefnogi anghenion amrywiol eich dysgwyr gyda hyder a chreadigrwydd.
Pam ddylech chi gofrestru?
Oherwydd bod Archwilio yn creu lle i'r pethau sy'n bwysig:
- Ymgorffori Pedwar Diben Cwricwlwm Cymru, gyda ffocws ar ddatblygu cyfranwyr mentrus a chreadigol.
- Cyd-fynd â'r sgiliau annatod drwy ddatblygu sgiliau meddwl creadigol a beirniadol, gan helpu dysgwyr i ffynnu mewn byd sy'n esblygu'n barhaus.
- Gwella llythrennedd a llafaredd, yn enwedig i'n dysgwyr mwyaf difreintiedig.
- Gwella lles ac ymgysylltiad dysgwyr drwy wneud dysgu'n fwy ystyrlon a chynhwysol.
- Gosod llais y dysgwr yng nghanol dylunio cwricwlwm a chynllunio datblygu ysgolion.
Beth i’w ddisgwyl
- Cyfleoedd ar gyfer myfyrio a thyfu dwfn
- Cymuned gefnogol o addysgwyr o'r un anian
- Profiad dysgu llawen ac egnïol
- Syniadau ymarferol, parod i'w defnyddio yn yr ystafell ddosbarth
Pwy all gofrestru?
Mae Archwilio ar gael i athrawon, staff cymorth ac arweinwyr ysgolion sy'n cael eu cyflogi mewn ysgolion cynradd, uwchradd, arbennig a gynhelir gan awdurdodau lleol ac a gynorthwyir yn wirfoddol, a chyfleusterau addysgu arbenigol yng Nghymru.
Mae Archwilio yn croesawu addysgwyr newydd a rhai sy'n dychwelyd. Gallwch gofrestru i Archwilio hyd yn oed os ydych chi wedi cymryd rhan mewn rhaglenni Dysgu Creadigol Cymru o'r blaen.
Themâu Tymhorol ar gyfer 2025-26
- Hydref 2025: Dysgu Creadigol ar draws y Cwricwlwm
- Gwanwyn 2026: Dysgu Creadigol ar gyfer Llythrennedd
- Haf 2026: Dysgu Creadigol ar gyfer Iechyd a Llesiant
A yw Archwilio yn Iawn i Chi?
Ydy! Os ydych chi eisiau:
- Ailddarganfod eich cyffro a'ch angerdd dros addysgu
- Dysgu dulliau sy'n cyd-fynd â Chwricwlwm i Gymru
- Bod yn rhan o gymuned o addysgwyr creadigol agored eu meddwl
- Arbrofi, myfyrio, a thyfu
- Mwynhau diwrnod o ddysgu gyda bwyd a hwyl
Yna mae Archwilio wedi'i wneud i chi.
Sut i gofrestru
Mae cofrestru ar gyfer Hydref 2025 bellach ar agor!
Eisiau bod y cyntaf i wybod pryd mae sesiynau'r Gwanwyn a'r Haf yn agor? Cofrestrwch ar gyfer ein bwletin Dysgu Creadigol Cymru.
Ydy. Mae ein sesiynau'n cyd-fynd yn agos â'i egwyddorion.
Wrth gwrs! Mae Archwilio yn croesawu addysgwyr newydd a rhai sy'n dychwelyd.
Nid yw cael grant Ewch i Weld, Rhowch Gynnig Arni neu Arbrofi agored yn effeithio ar eich cymhwysedd.
Ni fydd cymryd rhan yn y Rhaglen Arweinyddiaeth Greadigol yn eich atal rhag cofrestru ar gyfer Archwilio.
Mae Archwilio yn rhad ac am ddim i fynychu.
Nac ydym. Bydd angen i'ch ysgol dalu cost unrhyw gostau cyflenwi neu dreuliau teithio sy'n ofynnol i fynychu.
Bydd. Rydyn ni wrth ein bodd â chinio hyfforddi da!
Gellir. Rhowch wybod i ni ar y ffurflen gofrestru.
Nac oes, ond efallai yr hoffech fynychu sesiwn wahanol yn y dyfodol gyda thema wahanol.
Lleoliadau ledled Cymru; bydd manylion ar gael ar y ffurflen gofrestru.
Byddwch. Bydd yr holl wybodaeth yn cael ei rhannu ymlaen llaw.
Rhaid i chi gofrestru ymlaen llaw, mae gennym ddyddiad cau o 7 diwrnod cyn pob dyddiad hyfforddi.
Cynhelir y sesiynau rhwng 9:30 a 14:30. Yn anffodus, nid oes gennym opsiwn ar gyfer presenoldeb rhannol, wrth gofrestru rydych chi'n ymrwymo i fynychu am y diwrnod cyfan.
Mae Archwilio yn rhaglen weithgaredd newydd ac ar hyn o bryd mae ein holl sesiynau'n ymarferol ac yn cael eu cyflwyno wyneb yn wyneb. Os yw hyn yn rhwystr i chi, cysylltwch â ni fel y gallwn ystyried y galw am opsiwn ar-lein.
Yn bendant - y mwyaf, y gorau! Cofrestrwch ar gyfer pob person unigol sy'n mynychu, mae gennym ddyddiad cau o 7 diwrnod cyn pob dyddiad hyfforddi.
Nid oes angen profiad - dewch â'ch chwilfrydedd yn unig.
Na. Nid oes dim i'w baratoi ymlaen llaw a does dim rhaid sefyll i fyny i gyflwyno eich enghreifftiau eich hun!
Rydym yn dosbarthu'r holl wybodaeth ar ôl y sesiwn felly nid oes angen dod ag unrhyw beth gyda chi. Rydym yn eich cynghori i adael gliniaduron gartref fel y gallwch ymgolli'n llwyr yn y maes.
Na, yn anffodus dim ond i athrawon, staff cymorth ac arweinwyr ysgolion sy'n cael eu cyflogi mewn ysgolion cynradd, uwchradd, arbennig a gynhelir gan awdurdod lleol ac a gynorthwyir yn wirfoddol, a chyfleusterau addysgu arbenigol yng Nghymru y mae'r cyfle hwn ar gael.
Na, yn anffodus dim ond i athrawon, staff cymorth ac arweinwyr ysgolion sy'n cael eu cyflogi mewn ysgolion cynradd, uwchradd, arbennig a gynhelir gan awdurdod lleol ac a gynorthwyir yn wirfoddol, a chyfleusterau addysgu arbenigol yng Nghymru y mae'r cyfle hwn ar gael.
Na, yn anffodus dim ond i athrawon, staff cymorth ac arweinwyr ysgolion sy'n cael eu cyflogi mewn ysgolion cynradd, uwchradd, arbennig a chyfleusterau addysgu arbenigol a gynhelir gan awdurdod lleol ac a gynorthwyir yn wirfoddol, a leolir yng Nghymru y mae'r cyfle hwn ar gael.