Mae’r Gronfa Ewch i Weld yn cynnig grantiau gwerth hyd at £1,000 er mwyn caniatáu i athrawon mewn ysgolion a gynhelir yng Nghymru fynd â’u dysgwyr allan i weld celfyddydau o safon mewn lleoliadau ar draws Cymru. Gall athrawon ddefnyddio’r gronfa tuag at gost tocynnau a chludiant. Cynigir hyd at £1,000 i dalu hyd at 90% o gost ymweliadau ar gyfer dysgwyr 3-16 oed.
Pwrpas Ewch i Weld yw sicrhau bod y celfyddydau yng Nghymru’n agored i bob dysgwr. Er mwyn caniatáu i ysgolion fynd â dysgwyr allan o’r dosbarth i gael profiad o waith creadigol pobl eraill; a rhoi’r cyfle iddynt ymateb i a myfyrio ar gelfyddyd o safon uchel ledled Cymru.
Gall fod yn ymweliad i weld drama, dawns, cerddoriaeth, celf, gŵyl diwylliannol neu unrhyw brofiad celfyddydol arall o ansawdd uchel.
Dylai ffocws pob ymweliad fod ar weld celfyddyd o safon uchel yng Nghymru.
Pwy all ymgeisio?
Dim ond y canlynol gaiff gyflwyno ceisiadau Ewch i Weld:
- Ysgolion a gynhelir ar gyfer dysgwyr 3-16 oed yng Nghymru.
- Unedau cyfeirio disgyblion ar gyfer dysgwyr 3-16 oed.
Yn anffodus, ni allwn ddarparu ar gyfer ceisiadau gan ymgeiswyr o’r tu hwnt i ysgolion ac unedau cyfeirio disgyblion a gynhelir.
Gall ysgolion ac unedau cyfeirio disgyblion wneud cais i’r Gronfa Ewch i Weld fwy nag unwaith yn ystod y flwyddyn ond rhaid iddynt gyflwyno adroddiadau cwblhau cyn ailymgeisio.
Gwiriwch y canllawiau i gael rhagor o wybodaeth am gymhwysedd a'r hyn y gallwn ac na allwn ei ariannu.
Blaenoriaethau gyda Chyfyngiad Amser
Mae rhaglen flaenllaw Profi’r Celfyddydau, Dysgu Creadigol Cymru wedi derbyn £150,000 ychwanegol mewn cyllid gan Lywodraeth Cymru, gan ei alluogi i ehangu ei chyrhaeddiad a gwella mynediad at gyfleoedd celfyddydol a diwylliannol i blant a phobl ifanc ledled Cymru.
Mae’r cyllid hwn, sydd ar gael tan fis Mawrth 2026, yn cefnogi Blaenoriaethau Llywodraeth Cymru ar gyfer Diwylliant, gan dargedu dysgwyr o gymunedau difreintiedig a’r rhai ag Anghenion Dysgu Ychwanegol (ADY) yn benodol. Bydd y cyllid yn canolbwyntio ar chwalu rhwystrau i blant a phobl ifanc wrth gael mynediad at ddiwylliant a’r celfyddydau.
Hygyrch, Cynhwysol, Amrywiol
Bydd Dysgu Creadigol Cymru yn cyflwyno rowndiau ariannu pwrpasol wedi'u cynllunio i:
- Gefnogi ysgolion mewn Awdurdodau Lleol sydd â lefelau hanesyddol is o gyfranogiad yn y celfyddydau. Byddant yn blaenoriaethu'r Awdurdodau Lleol canlynol:
- Blaenau Gwent
- Conwy
- Sir Ddinbych
- Sir y Fflint
- Casnewydd
- Sir Benfro
- Rhondda Cynon Taf
- Torfaen
- Cefnogi ysgolion o unrhyw Awdurdod Lleol sydd â chanran uchel o ddysgwyr sy'n profi rhwystrau penodol i gyfranogiad, fel Anghenion Dysgu Ychwanegol (ADY), dysgwyr niwroamrywiol, gofalwyr ifanc, neu blant mewn gofal.
Yn ogystal, bydd y gronfa’n blaenoriaethu ysgolion newydd o unrhyw Awdurdod Lleol nad ydynt wedi derbyn cyllid o’r blaen gan ‘Ewch i Weld’ a ‘Rhowch Gynnig Arni’.
Mae’r gwelliannau strategol hyn yn cyd-fynd â chyllid ‘Blaenoriaethau ar gyfer Diwylliant Llywodraeth Cymru yn 2025-2026’, gan gyflawni blaenoriaethau 1 a 4 yn y cyllid ‘Blaenoriaethau ar gyfer Diwylliant’, yn benodol:
• Diwylliant sy'n hygyrch, yn gynhwysol ac yn amrywiol.
• Diwylliant sy'n adlewyrchu anghenion a dyheadau plant a phobl ifanc ac yn cryfhau cysylltiadau rhwng cenedlaethau.
Rhaid i bob cais sy'n gwneud ymgeisio o fewn ‘Blaenoriaethau gyda Chyfyngiad Amser’ barhau i fodloni'r meini prawf cyffredinol a amlinellir yng nghanllawiau Ewch i Weld neu Rhowch Gynnig Arni, gan ddangos hefyd sut maent yn mynd i'r afael â'r ‘Blaenoriaethau gyda Chyfyngiad Amser’ a nodir uchod.
Er ein bod yn annog ceisiadau sy'n mynd i'r afael â'r Blaenoriaethau gyda Chyfyngiad Amser, rydym yn parhau i fod yn agored i bob ysgol a Phartner Celfyddydol sy'n gwneud cais ariannu i Ewch i Weld neu Rhowch Gynnig Arni o fewn rhaglen Profi'r Celfyddydau, boed yn bodloni un o'r blaenoriaethau ai peidio. Bydd cyflwyniadau y tu allan i'r ‘Blaenoriaethau gyda Chyfyngiad Amser’ yn parhau i gael eu hasesu'n deg yn seiliedig ar gryfder eu hachos yn erbyn canllawiau'r gronfa a byddant yn cael eu cefnogi trwy fuddsoddiad presennol Llywodraeth Cymru, wedi'i ariannu'n gyfatebol gan gyllid y Loteri Genedlaethol a ddosberthir gan Gyngor Celfyddydau Cymru tan fis Mawrth 2028.
Ein hymrwymiad i ddosbarthu cyllid yn deg
Mae yna adegau pan fyddwn yn derbyn mwy o geisiadau nag y gall ein cyllideb cyfarfod eu hariannu. O dan yr amgylchiadau hyn, rhaid inni wneud penderfyniadau anodd ynghylch pa geisiadau i'w blaenoriaethu. Byddwn bob amser yn edrych ar yr achos y mae ysgol unigol yn ei wneud dros gyllid, ond mewn rownd ariannu gystadleuol, byddwn hefyd yn ystyried gwybodaeth ychwanegol. Yn yr achosion hyn byddwn yn ystyried:
- Ysgolion nad ydynt wedi elwa o gyllid Dysgu Creadigol Cymru o'r blaen.
- % y dysgwyr eFSM (sy'n gymwys i gael prydau ysgol am ddim) yn yr ysgol.
- Canran y dysgwyr yn yr ysgol sydd eisoes wedi elwa o'n cyllid.
- Iaith y gweithgaredd i alluogi dysgwyr o bob cefndir i brofi celfyddydau yn yr iaith Gymraeg, yn ogystal ag yn ddwyieithog, yng Nghymru.
- Daearyddiaeth yr ysgol i hwyluso cyfleoedd cyfartal i holl ddysgwyr Cymru.
Gwyddom y bydd rheswm pob ysgol dros wneud cais i ni am gyllid yn wahanol a gall pob ysgol sy’n gwneud cais i ni barhau i gyflwyno achos dros gyllid i ddiwallu anghenion eu dysgwyr. Wrth gyflwyno achos byddem yn eich annog i beidio â chopïo a gludo deunydd marchnata i’ch cais, ond i ystyried yn wirioneddol pa wahaniaeth y bydd ein cyllid yn ei wneud i addysgu a dysgu yn eich ysgol.
Am fanylion pellach
Rydym yn argymell darllen y canllawiau llawn cyn cyflwyno'ch cais.
Os oes gennych unrhyw gwestiynau, croeso i chi gysylltu â ni.
E-bostiwch ni: dysgu.creadigol@celf.cymru
Dylech chi gyflwyno eich cais o leiaf 5 wythnos waith cyn dyddiad eich ymweliad. Rydym ni’n ceisio rhoi gwybod ichi am y penderfyniad mewn 4 wythnos o’r dyddiad cau.
Na allwn. Mae'r gronfa hon yn fodlon talu am docynnau a chludiant yn unig.
Na ellwch. Nod y gronfa yw talu am gost profiadau celfyddydol o safon na allai ddigwydd heb y grant hwn. Ar ôl clywed bod y grant wedi’i ddyfarnu ichi, gellwch brynu tocynnau os gall eich ysgol dalu am y tocynnau cyn derbyn yr arian ei hun yng nghyfrif yr ysgol. Ni fydd hynny’n broblem. Ond ni allwn ariannu gweithgarwch sydd eisoes wedi’i gynllunio neu sydd eisoes yn digwydd. Ni allwn ariannu’n ôl-weithredol brofiadau Ewch i Weld.
Fel rheol, na allwch. Nod yr arian yw cael disgyblion i brofi celfyddyd o safon mewn lleoliadau celfyddydol o safon y tu allan i'r ysgol. Ond dan amgylchiadau eithriadol lle gallwch nodi'n glir pam y byddai raid i’r profiad celfyddydol o safon ddigwydd yn yr ysgol, mae’n bosibl y gallai’r panel ystyried rhoi grant ichi.
Peidiwch ag anfon yr arian cyfatebol yn uniongyrchol atom. Disgwyliwn i’r arian cyfatebol o 10% ddod o arian yr ysgol, costau mewn nwyddau neu arian a godir, er enghraifft.
Nid yw hyn yn eich atal rhag gwneud cais, ond dylai eich cais nodi pryd rydych chi’n rhagweld y bydd yr ymweliad yn digwydd.
Gall. Gall unrhyw ysgol a gynhelir ymgeisio am grant Ewch i Weld.
Na allwch. Mae'r rhaglen wedi'i chlustnodi ar gyfer plant oedran ysgol, o oed meithrin hyd at 16. Ni allwn ni ariannu addysg ôl-16, gan gynnwys colegau addysg bellach a'r chweched dosbarth.
Gallwch, gallwch wneud cais am grantiau lluosog o hyd at £1,000 trwy gydol y flwyddyn academaidd. Ond dim ond un grant y gallwch chi ei agor ar y tro. Rydym yn croesawu ceisiadau yn arbennig gan ysgolion nad ydynt wedi ymgysylltu â'r gronfa.
Bydd angen i chi gofrestru'ch ysgol ar ein porth ar-lein cyn llenwi ffurflen gais. Ar ôl i chi gofrestru ar y porth ar-lein byddwch yn gallu cyrchu'r ffurflen gais. Rydym yn argymell eich bod yn cofrestru'ch ysgol ar ein porth o leiaf 5 diwrnod gwaith cyn eich bod yn dymuno cychwyn eich cais.
Os oes angen cymorth pellach arnoch i gyrchu'r porth ar-lein, cysylltwch â ni trwy: 03301 242733 (llinell gymorth) pob galwad a godir ar brisiau lleol neu e-bostiwch: dysgu.creadigol@celf.cymru
I gyrchu’r ffurflen gais, bydd angen i chi fod wedi cofrestru ar y porth ar lein https://portal.arts.wales/
Rydyn ni’n argymell eich bod chi’n cofrestru o leiaf 5 diwrnod gwaith cyn y dyddiad pan rydych chi’n dymuno dechrau’r cais. Ar ôl derbyn eich manylion mewngofnodi, gallwch ddefnyddio’r rhain i gyrchu holl ffurflenni cais Dysgu Creadigol Cymru, ac ni fydd angen ailgofrestru pan fyddwch am ymgeisio eto.
Os oes angen cymorth pellach arnoch i gyrchu’r porth ar lein, cysylltwch â’n Tîm Grantiau a Gwybodaeth: grants@arts.wales