Mae'r Gronfa Cyfleoedd Rhyngwladol wedi ail-agor

Mae rownd olaf y Gronfa Cyfleoedd Rhyngwladol 2021-22 nawr ar agor. Dyddiad cau'r rownd yma yw Dydd Mercher 3 Tachwedd 2021, 5:00yh GMT

Am y Gronfa Cyfleoedd Rhyngwladol 

Diben y gronfa 

• Cefnogi’r broses o ddatblygu syniadau, cydweithio a rhwydweithiau rhwng gweithwyr creadigol proffesiynol a sefydliadau celfyddydol yng Nghymru a phartneriaid rhyngwladol. 
• Rhannu profiadau a sgiliau drwy’r celfyddydau mewn cyd-destun byd-eang. 
• Codi proffil Cymru a’i chysylltiadau drwy’r celfyddydau yn fyd-eang. 

Wrth i ni barhau â'n partneriaeth gyda Llywodraeth Cymru ar Flwyddyn Cymru yn yr Almaen 2021, rydym yn croesawu ceisiadau i'r gronfa ar gyfer datblygu cysylltiadau pellach â'r Almaen.

Yn sgil y cyfyngiadau a’r ansicrwydd presennol sy’n gysylltiedig â theithio yn rhyngwladol, bydd y gronfa yn bennaf yn cefnogi’r gwaith o ddatblygu perthnasau rhyngwladol, cydweithrediadau a rhwydweithiau trwy’r defnydd o blatfformau ac adnoddau digidol am nawr. 

Gellir cynnwys teithio corfforol ochr yn ochr â gweithgareddau digidol, ond dylai fod gennych gynlluniau wrth gefn rhag ofn na fydd hyn yn bosibl.

Delwedd: 
Cyn-dderbyniwr y Gronfa Cyfleoedd Rhyngwladol Andrew Smith yn Mark Rothko Art Centre
17th International Painting Symposium, Daugavpils, Latvia
Medi 2021