Tom ydw i, cynhyrchydd theatr a digwyddiadau byw, llawrydd, o Gaerdydd. Mae gennyf ADHD a Dyslecsia ac rwyf am greu mannau lle gall pobl greadigol niwrowahanol ddod at ei gilydd a meithrin undod a chefnogaeth ac i gydweithio ar brosiectau.
Rwy’n cynnal digwyddiad sy’n fan i gynhyrchwyr ac artistiaid niwrowahanol* sy’n gweithio yn y sector diwylliannol yn Ne Cymru, ddod at ei gilydd am ddiwrnod o weithio ar y cyd, gyda rhywbeth ychydig yn wahanol! Bydd y diwrnod wedi'i strwythuro i gynnwys rhywfaint o rwydweithio, egwyl ginio sy'n cynnwys micro-gyflwyniad a sesiwn holi-ac-ateb gan gydweithiwr creadigol niwrowahanol a sesiwn awr o hyd o fentora gan gyfoedion/rhannu syniadau.
*efallai fod gennych ddiagnosis ffurfiol neu efallai eich bod yn hunan-adnabod
Ein dyddiad nesaf yw dydd Mawrth 24 Hydref 2023. Lleoliad: Tramshed Tech, Caerdydd. Archebwch trwy Eventbrite.
Os oes gennych unrhyw anghenion mynediad neu gwestiynau, rhowch wybod i mi trwy ebostio tombevanwork@gmail.com
Cynllun ar gyfer y diwrnod
- 10-11 Cofrestru wrth y ddesg flaen ac ymlacio yn yr ystafell, yn barod i ddechrau'r diwrnod o weithio.
- 11-11:30am Paned a 'dysgu pwy sydd yn yr ystafell', wedi ei gynnal gan Tom.
- 11:00-13:00 Amser i weithio ar y cyd (gallwch fynd am ginio amser yma)
- 13:00-14:00 15 munud o gyflwyniad ysbrydoledig gyda C+A ac amser i adlewyrchu (Rey Hope, a fydd yn dod i siarad am ei rôl yn sefydlu Dyddiau Du, llyfrgell gymunedol NeuroQueer a gofod diogel ar gyfer celf/llenyddiaeth yng Nghanolfan Capitol yng Nghaerdydd)
- 14:00-16:00 Amser i weithio ar y cyd
- 16:00 - 17:00 Sesiwn ‘Trafod Materion Gyda’n Gilydd’: Bydd Tom yn hwyluso sgwrs i drafod unrhyw beth yr ydym am weithio drwyddo gyda'n gilydd/mewn parau
- 17:00-17:30 Y diwrnod yn dirwyn i ben/hanner awr i orffen unrhyw beth brys!
Mae croeso mawr i chi sgwrsio a chymryd galwadau yn ystod y dydd - dewch â chlustffonau a byddwch yn ymwybodol o lefelau sain oherwydd efallai y bydd rhai pobl eisiau treulio'r amser yn canolbwyntio ar ebyst / galwadau. Cymerwch seibiannau oddi wrth y sgrîn yn ôl yr angen.
Comisiynwyd a chefnogir y prosiect hwn gan Lawryddion Creadigol Cymru. Rhan o gynllun y Comisiwn Dyfodoliaeth Lawrydd, a ariennir gan Cysylltu a Ffynnu Cyngor Celfyddydau Cymru, Rhaglen Ariannu’r Celfyddydau drwy’r Loteri Genedlaethol.