Yr wythnos hon, yn yr trydydd o gyfres perfformiadau 'The Shape of Things to Come' Volcano, bydd ein Rheolwr Gwerthu siriol, Sara Hartel yn eich tywys (fel rhan o'r gweithlu sydd newydd ei recriwtio) trwy eich hyfforddiant cynefino ac yn ceisio eich cadw ar y trywydd iawn, cynyddu cynhyrchiant eich tîm i'r eithaf, a chynhyrchu pwyntiau lawer i'n rhanddeiliaid!
Croeso i fyd theatr gêm, lle mae'r gynulleidfa'n gystadleuwyr. Ond mae'r tasgau'n mynd yn fwy ac yn fwy hurt ac efallai y bydd y pwysau i gyrraedd eich targedau yn dechrau dweud arnoch chi. A fyddwch chi'n cydweithio er budd y ddwy ochr ac yn herio'r rheolwyr ynteu a fyddwch chi'n dewis bradychu eich cyd-chwaraewyr mewn ymgais i roi hwb i'ch buddsoddiad eich hun ar draul pawb arall?
Mae SARA HARTEL yn wneuthurwr theatr anneuaidd sy'n byw yn y Barri (ger Caerdydd) sydd â ffocws cryf ar berfformiadau ymdrochol, rhyngweithiol. Dylanwadir ar Sarah gan ddatblygwyr sy'n creu gemau realiti amgen er mwyn gwneud y byd yn lle gwell. Ei nod yw creu profiadau sy'n ddifyr, yn bleserus ac yn ddireidus, ac sy'n cynhyrchu cyswllt cymdeithasol ac empathi ac yn rhoi cyfle i'r gynulleidfa newid neu ddylanwadu ar y canlyniadau. Mae Sarah wedi gweithio gyda Hijinx a National Theatre Wales ac wedi creu perfformiadau rhyngweithiol sydd wedi rhoi cyflwyniad i'r theatr trwy lwybrau amgen i bobl ifanc.
Mae STRIKE LIMITED yn Volcano 20 - 22 Gorffennaf. Mae'r sioe yn cael ei greu a’i berfformio gan Sara Hartel.