Mae Jazz Cenedlaethol Ieuenctid Cymru yn bartneriaeth uchelgeisiol newydd rhwng Jazz Explorers Cymru, Celfyddydau Cenedlaethol Ieuenctid Cymru a Choleg Brenhinol Cerdd & Drama Cymru, wedi'u gefnogi gan Gyngor Celfyddydau Cymru a Gwasanaeth Cerdd Cenedlaethol Cymru. Gyda'n gilydd, ein nôd yw adeiladu a datblygu rhaglen i feithrin, ysbrydoli a chefnogi talent cerddorion jazz ifanc ledled Cymru.
Rydym yn gwahodd cerddorion ifanc jazz ar gwrs 3-diwrnod sy'n cynnwys, gweithdai, dosbarthiadau meistri ac ymarferion i weithio gydag addysgwyr a cherddorion jazz byd enwog. Bydd yn brofiad hwylus, cydweithredol ac heriol.
14-16 Ebrill 2025 yng Ngholeg Brenhinol Cerdd & Drama Cymru, Caerdydd.
Bydd y cwrs yn agored i offerynnwyr a chantorion rhwng 14 – 22 mlwydd oed. Does dim angen profiad blaenorol o chwarae jazz, ond rydym yn awgrymu safon Gradd 5 (neu'r hyn sy'n gyfatebol) ar eich offeryn. Bydd y cyfranogwyr yn cael ei rhannu i grŵpiau yn seiliedig ar oedran a profiad er mwyn sicrhau bod pawb yn derbyn yr addysg ar gefnogaeth angenrheidiol.
Y prif athrawon bydd Paula Gardiner, Huw Warren ac Andrew Bain (Pennaeth Adran Jazz, Coleg Brenhinol Cerdd a Drama Cymru) – gyda chefnogaeth ychwanegol gan athrawon arbennigol eraill a rhai o'r myfyrwyr jazz.
Er bod cost lawn y cwrs wedi'i sybsideiddio gan y sefydliadau partner a Chyngor Celfyddydau Cymru, fe fydd yna gost i gyfranogwyr. Mae lefel y ffi yn dibynnu ar yr angen am lety a pha mor bell yr ydych yn teithio. Mae bwrsariaethau hefyd ar gael i’r rhai o aelwydydd incwm is, er mwyn sicrhau bod pawb yn gallu cymryd rhan. Bydd y cwrs yn groesawgar ac yn gynhwysol, ond cysylltwch â ni os oes gennych unrhyw bryderon neu gwestiynau.
Y dyddiad cau ar gyfer cofrestru yw 3pm ar yr 28ain o Chwefror 2025.