Mae Gwobr Shakespeare flynyddol Coleg Brenhinol Cerdd a Drama Cymru yn dathlu ei waith, a mydryddiaeth lafar fel elfen hanfodol o hyfforddiant drama fodern.
Dyfarnwyd gwobr eleni i’r actor ail flwyddyn Meg Basham gan y prif feirniad y Fonesig Harriet Walter ar 18 Mawrth gerbron cynulleidfa wadd yn theatr yr Old Vic yn Llundain.
‘Mae ein gwobr Shakespeare yn cydnabod pa mor bwysig yw gweithio ar yr iaith hon o ran hyfforddi actorion a dysgu crefft hanfodol,’ meddai Cyfarwyddwr Perfformio Drama CBCDC, Jonathan Munby. ‘Mae hanfodion siarad mewn mydryddiaeth a gwerthfawrogi iaith yn parhau i fod wrth wraidd y cyrsiau actio yn CBCDC.’
Dewiswyd y pump a gyrhaeddodd y rownd derfynol gan Gymrawd CBCDC Syr Jonathan Pryce pan ddaeth i Gaerdydd i weithio gyda holl fyfyrwyr actio’r ail flwyddyn yn nhymor yr hydref.
Beirniadwyd rownd derfynol y wobr gan y Fonesig Harriet Walter, un o raddedigion CBCDC a Chymrawd Rakie Ayola, Sean Mathias, Jonathan Munby, a’r Pennaeth Llais, Alice White.
Llongyfarchiadau i Meg, ac i’r rhai eraill a gyrhaeddodd y rownd derfynol:, Alice Baxter, Malcolm Bishop, Tumba Katanda, Max Lauder.
‘Wrth gwrs y gall actor gael gyrfa wych heb unrhyw brofiad o Shakespeare, ond gyda’r wobr anhygoel hon rwy’n credu bod CBCDC yn cyhoeddi’n uchel ac yn glir y bydd yn parhau i fod yn rhan o’r hyfforddiant cynhwysfawr y mae’n ei gynnig.’
Roedd hi’n bleser ac yn fraint gwylio’r pum myfyriwr dawnus yn sefyll ar lwyfan yr Old Vic ac yn rhoi bywyd i iaith mor brydferth a chymhleth. Rwy’n edrych ymlaen at weithio gyda nhw i gyd yn y dyfodol.' Rakie Ayola, Beirniad Gwobr Shakespeare, un o raddedigion a Chymrawd CBCDC.
Crëwyd y wobr hon i ddathlu gwaith myfyrwyr CBCDC a’u sgiliau mydryddiaeth lafar, ond mae’n mynd y tu hwnt i waith y Coleg a hefyd yn ymwneud â hyrwyddo gwaith Shakespeare yn allanol a galluogi addysgwyr yng Nghymru i barhau i’w addysgu drwy gefnogi eu gwaith.
‘Rydym wedi ymrwymo i ffilmio cynhyrchiad Shakespeare mawr bob blwyddyn, a fydd ar gael am ddim i ysgolion a cholegau ledled Cymru,’ esboniodd Jonathan Munby, a gyfarwyddodd Syr Ian McKellen yn King Lear yn Theatr Gŵyl Chichester yn 2017, ac eto yn The Theatr Duke of York yn y West End yn 2018. ‘I gyd-fynd â hyn mae pecyn adnoddau, sydd eleni yn seiliedig ar ein cynhyrchiad Hydref o ‘Macbeth’ – er mwyn cefnogi myfyrwyr ac athrawon a dod â Shakespeare yn fyw yn yr ystafell ddosbarth.
Rydym yn gobeithio annog pobl ifanc i ymgysylltu â Shakespeare, ond hefyd i gael eu hysbrydoli gan yr hyn y maent yn ei weld er mwyn ystyried dilyn dyfodol yn y diwydiannau creadigol.’
Lluniau ar gyfer y wasg yma: RWCMD Shakespeare Prize 2024
Y Fonesig Harriet Walter a Syr… | Royal Welsh College of Music & Drama (rwcmd.ac.uk)
Adnodd athrawon Macbeth: dehongliad cyfoes
Mae adnodd addysgol ‘Macbeth’ yn cynnwys ffilm o’r cynhyrchiad, ynghyd â chyfweliadau ag aelodau allweddol o gast CBCDC a’r tîm creadigol ac mae wedi’i saernïo yn unol â manyleb TGAU CBAC i roi profiad perthnasol a chyfoethog i fyfyrwyr.
Gan gynnig dehongliad cyfoes, mae’n dychmygu digwyddiadau yn yr amser presennol, gan ddefnyddio golwg seicodreiddiol gyfoes ar y cymeriadau allweddol a’u cyd-berthynas - dal drych i beryglon ffolineb dynol a chanlyniadau dinistriol rhyfel.
Mae athrawon wedi dweud, ‘Rwy’n hoff iawn o’r pecyn: mae’r cyfweliadau’n syniad gwych, ac mae hefyd yn ardderchog i siarad â chynllunwyr,’ meddai Vivienne Goodman, Astudiaethau Drama a Theatr, Coleg Gwent. ‘Mae’r pecyn yn annog dealltwriaeth o destun, dehongliad ac yn defnyddio terminoleg yn dda iawn. Rwy’n meddwl ei fod yn cysylltu’n dda iawn â gyrfaoedd mewn cynllunio theatr. Rwy’n addysgu ar lefel UG a Safon Uwch a byddwn yn defnyddio elfennau o’r pecyn hwn ar gyfer adrannau Dylanwad Cynhyrchiad Byw arholiad CBAC.”
Cytunodd Safonwr CBAC, Beverley Roblin, ‘Rwy’n meddwl bod y pecyn hwn yn ardderchog. Rwy’n teimlo eich bod wedi ei wreiddio’n gadarn wrth gynhyrchu’r ddrama yn hytrach nag astudio testun yn y dosbarth yn unig.’
Gallwch gael gafael ar yr adnodd yma: Adnodd addysgol Macbeth | Royal Welsh College of Music & Drama (rwcmd.ac.uk)