Mae Gŵyl Ffilm Brydeinig Caribïaidd Windrush yn dychwelyd i Theatr Glan yr Afon ym mis Mehefin. Dan sylw yn yr ŵyl yn 2023 fydd y berthynas gymhleth rhwng y sgrin fawr ac ymfudwyr Windrush o'r Gymanwlad, trwy ddangos ffilmiau o 75 mlynedd o Sinema gan Bobl Ddu ym Mhrydain. Bydd unwaith eto yn brofiad ffilm bythgofiadwy gyda gweithdai rhyngweithiol a digwyddiadau sy’n aros yn y cof. Dethlir cyfraniad celfyddydol, gwleidyddol a chymdeithasol yr ymfudwyr gwreiddiol, a’r sawl sy’n hanu ohonyn nhw hyd heddiw, sy’n byw a bod ym Mhrydain gan greu eu hanes diwylliannol a gwleidyddol eu hunain i ddisgleirio fel sêr, fel eu cyndeidiau a’u cynfamau gynt.
Rhaglen yr Ŵyl
16 Mehefin - 7pm
£3.50 i bob ffilm a chan gynnwys sesiwn Holi ac Ateb
Ffilm: Asunder
Mae Olivia, gweithiwr proffesiynol dan hyfforddiant, yn troi yn erbyn y Llywodraeth sy’n mynnu bod ei mam yn droseddwr. Mae ASUNDER yn stori gymhleth am deulu, gwleidyddiaeth a chyfiawnder.
Rhagolwg: https://vimeo.com/549405414?embedded=true&ffynhonnell =video_title&perchennog=2350344
Ffilm: Spirits Run Deep
Ffilm farddonol yn seiliedig ar gyfweliadau gyda phobl o Butetown, Dociau Caerdydd a Tiger Bay
Ffilm: Small Island Stories 2
Mae Small Island Stories 2 yn gynhyrchiad clywedol a gweledol sy'n seiliedig ar straeon am y rhai a ddaeth i Derby yn rhan o’r Windrush a’r tair cenhedlaeth o’u teuluoedd wedi hynny.
Mae Small Island Stories 2 wedi'i seilio'n bennaf ar Hip Hop ac arddull gair llafar gyda nodweddion gan nifer o artistiaid lleol i greu corff o waith eclectig wedi'i ysbrydoli gan fudiad Windrush a dylanwadau Caribïaidd sydd wedi ymblethu ac sy’n rhan o ddiwylliant cyffredin ym Mhrydain Fawr.
Rhagolwg: https://www.youtube.com/watch?v=u2tFxGnmyHw
Ffilm: Rushed
Ar ôl cyfarfod yn annisgwyl yn Birmingham, mae menyw ddu a dyn o dde Asia yn gorfod wynebu digwyddiadau dirdynnol y maen nhw’n ceisio’n galed eu hosgoi.
Rhagolwg: https://www.dropbox.com/scl/fo/6tivjwm0hr23xcd9ynvfv/h?dl=0&RLKEY = 056R943D7P5uxPP3N6G7HQ6D
Ffilm: Falsehood
Araloyin Oshunremi, neu Stefan o’r gyfres Netflix boblogaidd TOP BOY, yw’r prif gymeriad Richard, sydd rhwng dau fyd wrth iddo frwydro gyda'i hunaniaeth. Mae sefyllfaoedd yn codi lle mae pobl yn cwestiynu hunaniaeth Richard, a bydd angen dal ati go iawn i argyhoeddi ei ffrindiau o bwy yw e!
Rhagolwg: https://www.youtube.com/watch?v=KHDDN6M79iY
Ffilm: Black & White Duppy
Dyma ffilm arswydus a swreal am ddod yn oedolyn ac effeithiau trefedigaethu ar gymuned Caribïaidd Llundain.
Ar ddiwrnod angladd ei dad-cu, mae Red sy’n 17 oed yn wynebu cythreuliaid o sawl cenhedlaeth yn y ffilm arswyd swreal hon am drawma trefedigaethol a hanes teuluoedd du.
Rhagolwg: https://www.youtube.com/watch?v=rLqgCNkmi_U
Trafodaeth Banel/Holi ac Ateb
17 Mehefin
1pm - £3.50 gan gynnwys y ffilm a’r gweithdy
Ffilm: Concrete Garden
Stori hyfryd am ferch o India’r Gorllewin sy'n symud i Lundain yn y 1950au o Jamaica. Mae Marcia wedi treulio'r rhan fwyaf o'i 11 mlynedd yn byw gyda'i mam-gu yn Jamaica ond caiff ei hanfon i strydoedd gwlyb a thywyll Llundain i ddechrau bywyd newydd gyda'i rhieni. Mae’n gweld eisiau ei mam-gu’n fawr yn y byd yma llawn merched ysgol cas, hiliaeth ar y teledu, a brawd bach cenfigennus… Dim ond ei hoff seren pop fydd yn helpu i wneud y lle yma’n gartref iddi.
Gweithdy ffotograffiaeth gyda Carl Connike
4pm - £3.50 i bob ffilm gan gynnwys sesiwn Holi ac Ateb
Ffilm: Our Menopause
Rwy'n wneuthurwr ffilmiau ffeministaidd ac rwy'n gweithio gyda menywod (hyd yn oed rhai anweledig fel y gwelwch chi yn fy ffilm hunangofiannol, Visibly me) i droi eu straeon personol yn rhaglenni dogfen hardd, agos-atoch, a ffilmig. Dwi'n galw'r menywod sy'n rhannu eu straeon efo fi yn ystod ffilmio, a chynulleidfa'r ffilm - yn Storïwyr. Rwy'n defnyddio gwneud ffilmiau fel offeryn i rymuso'r storïwyr rwy'n gweithio gyda nhw.
Ffilm: Our Grief
Ar ôl sylwi bod profiadau menywod du yn cael eu tangynrychioli yn Llundain, aeth UBELE ati i gofnodi profiadau menywod o alar, colled a phrofedigaeth yn Llundain, Nottingham a Wolverhampton.
Rhagolwg: https://www.youtube.com/watch?v=inREJQCSnI4
Sesiwn Holi ac Ateb
7pm - £3.50 i bob ffilm gan gynnwys sesiwn Holi ac Ateb
Ffilm: Black and Welsh
Mae'r gwneuthurwr ffilmiau Liana Stewart yn dod â phobl at ei gilydd, gan gynnwys actorion, comedïwyr, model a gwenynwr Rastaffaraidd, i rannu eu straeon am sut beth yw bod yn Gymry du.
Rhagolwg: https://vimeo.com/523715469
Ffilm: Dread Beat and Blood
Mae'r portread bywiog hwn o'r bardd dub a'r actifydd gwleidyddol Linton Kwesi Johnson yn mynd â ni nôl i gythrwfl strydoedd Brixton ar ddiwedd y 1970au. Mae Johnson, yn enedigol o Jamaica, yn esbonio’n huawdl ac yn rymus y trais a'r hiliaeth a brofodd cymunedau Du ac Asiaidd yn Llundain a’r tu hwnt - a sut mae ei farddoniaeth yn arf yn y frwydr dros gyfiawnder.
Sesiwn Holi ac Ateb
8.15pm i 11pm – am ddim
Cerddoriaeth fyw gan Carl Bassett
18 Mehefin
1pm - £3.50 i bob ffilm gan gynnwys sesiwn Holi ac Ateb
Ffilm: Buckra Maassa Pickney
Rhaglen ddogfen arobryn am Enrico Stennett a'i brofiadau o fyw yn Jamaica a Phrydain - ei frwydr dros oroesi a’i ysbrydolodd i ymrói i’r achos yn erbyn hiliaeth gydol ei oes.
3pm
Alex Ferguson - trafodaeth ar Fraint Gwyn
Ysgolhaig Astudiaethau Diwylliannol sydd am ddogfennu Braint Gwyn o Safbwynt Du
Ffilm: After the Flood: The Church, Slavery and Reconciliation
Mae'n olrhain gwreiddiau ac ôl yr eglwys y 18fed ganrif yn y fasnach gaethweision drawsatlantig. Mae'n olrhain y syniadau a gyfiawnhaodd ac a gynhaliodd caethiwo Affricanwyr du, yr effaith hirdymor, a sut y gellid unioni pethau mewn ffordd ystyrlon heddiw.
Rhagolwg: https://www.mjr-uk.com/aftertheflood.html
Holi ac Ateb gyda Sheila Marshall