Dylunio Theatr ar gyfer Dyfodol Cynaliadwy - Hyfforddiant Llythrennedd Carbon Cymru
Dydd Gwener 15 Medi 2023, 10am-5pm, National Theatre Wales (30 Arcêd y Castell, Caerdydd, CF10 1BW)
Hyfforddiant Llythrennedd Carbon Achrededig ar gyfer Dylunwyr Theatr a'u Cymdeithion, dan arweiniad aelodau Cymdeithas Dylunwyr Theatr Prydain.
Mae’r cwrs undydd hwn wedi’i deilwra’n benodol i anghenion dylunwyr theatr a’u cydweithwyr, gyda ffocws ar ymarfer artistig llawrydd a phrosesau gwneud penderfyniadau.
Bydd yn eich helpu i ddod yn wybodus ac yn hyderus am ymarfer cynaliadwy yn y stiwdio ac wrth gynhyrchu, ac yn datgelu’r posibiliadau creadigol o weithio’n fwy cynaliadwy. Mae’n rhan hanfodol o fodloni safonau Llyfr Gwyrdd y Theatr ar gyfer cynhyrchu ac mae’n gyflwyniad gwych i feddwl am gynaliadwyedd mewn ymarfer creadigol.