Llawn amser 37 awr yr wythnos
Cytundeb parhaol
Gradd D: Cyflog cychwynnol o £44,718
Lleoliad: Gellir lleoli’r rôl hon yn unrhyw un o swyddfeydd Cyngor Celfyddydau Cymru (Bae Caerdydd, Caerfyrddin, Bae Colwyn). Ar hyn o bryd rydym yn gweithio mewn ffordd hybrid.
Mae ein buddion yn cynnwys 30 diwrnod o wyliau blynyddol, 2.5 diwrnod braint, oriau/patrwm gweithio hyblyg, , cynllun beicio i'r gwaith a phensiwn cyflog terfynol (6%).
Am y rôl
Fel Uwch Hwylusydd Busnes, byddwch yn arwain y gwaith o ddylunio a chyflwyno rhaglen drawsnewidiol sy'n cefnogi sefydliadau celfyddydol i ffynnu. Gan weithio'n agos gyda Phennaeth Datblygu Busnes, byddwch yn datblygu a gweithredu fframwaith cymorth hyblyg, yn rheoli tîm o Hwyluswyr Busnes, ac yn hyrwyddo dull partneru busnes i ddiwallu anghenion esblygol y sector. Mae'r rôl allanol hon yn gofyn am sgiliau cyfathrebu a mentora cryf, gan ganolbwyntio ar greu mentrau effaith uchel a meithrin ymgysylltiad dwfn â'r sector.
Amdanoch chi
Rydym yn chwilio am bartner busnes profiadol sydd â brwdfrydedd dros alluogi llwyddiant sefydliadol yn y sector celfyddydau. Rydych chi'n dod ag arbenigedd mewn un neu fwy o feysydd busnes fel Cyllid, Adnoddau Dynol, Llywodraethu, Cyfiawnder Hinsawdd, neu Godi Arian, a gallwch lywio ystod eang o ddisgyblaethau yn hyderus. Yn fedrus wrth adeiladu perthnasoedd dibynadwy a darparu arweiniad arbenigol, rydych chi'n rhagori mewn amgylcheddau deinamig ac wedi ymrwymo i gefnogi twf a gwydnwch sefydliadau celfyddydol.
Yr Iaith Gymraeg
Bydd angen dysgu sgiliau Cymraeg yn sgil penodi os nad ydych yn gallu’r Gymraeg eisoes. Er nad oes disgwyl i chi fod yn gallu’r Gymraeg wrth geisio, rydym yn chwilio am unigolyn sy’n deall diwylliant y wlad; perthynas amrywiol pobl Cymru gyda’r iaith Gymraeg ac sy’n ymrwymo i ddatblygu defnydd blaengar o’r Gymraeg yn ieithyddol a diwylliannol o fewn Cyngor y Celfyddydau a’r sector ehangach. Mae stori pawb gyda’r iaith yn wahanol ac rydym yn cydnabod bod lefelau gallu a hyder yn amrywio o berson i berson. Byddwn yn sicrhau’r gefnogaeth berthnasol i gynyddu neu ddysgu sgiliau Cymraeg.
Amrywiaeth a chynhwysiant
Mae Cyngor Celfyddydau Cymru yn gyflogwr cynhwysol, a dymunwn adlewyrchu’r cymunedau amrywiol yr ydym yn eu gwasanaethu. Mae ceisiadau gan bobl ddiwylliannol ac ethnig amrywiol a grwpiau sydd heb gynrychiolaeth ddigonol yn cael eu hannog a’u croesawu’n gynnes. Croesewir ceisiadau yng Nghymraeg neu Saesneg a byddwn yn gohebu â chi yn eich dewis iaith. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg. Ein nod yw cymryd camau cadarnhaol i sicrhau bod pob ymgeisydd yn cael ei ddewis ar gyfer swyddi yn ôl eu haddasrwydd ar gyfer y rôl yn unig.
Bydd y Cyngor Celfyddydau yn darparu cefnogaeth i sicrhau eich bod yn teimlo’n gyffyrddus yn ymuno â’r sefydliad, y math a all fod yn newydd neu’n anghyfarwydd i chi, fel y gallwch deimlo’ch gorau yn y gwaith. Bydd mentora neu hyfforddiant hefyd yn cael ei ddarparu yn ystod y cyfnod ymsefydlu, os bydd angen
Cynllun Hyderus o ran Anabledd
Mae Cyngor Celfyddydau Cymru yn gyflogwr Hyderus o ran Anabledd, sy'n ymroddedig i gyfweld pob ymgeisydd anabl sy'n bodloni'r holl feini prawf hanfodol a nodir yn y fanyleb person.
Cyfeiriwch at ddolen Cynllun Cyflogwr hyderus o ran anabledd Gov.uk am ragor o fanylion.
Sut i ymgeisio
Cyflwynwch Ffurflen Gais a Ffurflen Monitro Cydraddoldeb, Amrywiaeth a Chynhwysiant mewn fformat Word i AD@celf.cymru. Os hoffech chi gyflwyno’ch cais mewn fformat arall, fel nodyn llais, fideo neu fideo Iaith Arwyddion Prydain, cysylltwch â ni yn gyntaf os gwelwch yn dda.
Dyddiad cau: 5yh, Dydd Gwener 8fed Awst 2025
Cyfweliadau: 21ain a 22ain Awst 2025 (Mewn person yn ein Swyddfa yng Nghaerdydd)
Gweithio hyblyg
Wrth gefnogi ein gweithwyr i gael cydbwysedd rhwng eu gwaith a’u bywydau personol byddwn hefyd yn ystyried cynigion ar gyfer trefniadau gweithio hyblyg neu rannu swydd.
Nodwch yn glir yn eich cynnig ar gyfer unrhyw beth heblaw gweithio’r oriau a hysbysebwyd yn eich e-bost eglurhaol wrth gyflwyno’ch cais.
Mae Cyngor Celfyddydau Cymru yn gyflogwr cynhwysol, a dymunwn adlewyrchu’r cymunedau amrywiol yr ydym yn eu gwasanaethu. Mae ceisiadau gan bobl ddiwylliannol ac ethnig amrywiol a grwpiau sydd heb gynrychiolaeth ddigonol yn cael eu hannog a’u croesawu’n gynnes. Croesewir ceisiadau yng Nghymraeg neu Saesneg a byddwn yn gohebu â chi yn eich dewis iaith. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg. Ein nod yw cymryd camau cadarnhaol i sicrhau bod pob ymgeisydd yn cael ei ddewis ar gyfer swyddi yn ôl eu haddasrwydd ar gyfer y rôl yn unig.