Llawn amser, 37 awr yr wythnos
Cytundeb parhaol
Gradd E: Cyflog cychwynnol o £56,286
Lleoliad: Gellir lleoli’r rôl hon yn unrhyw un o swyddfeydd Cyngor Celfyddydau Cymru (Bae Caerdydd, Caerfyrddin, Bae Colwyn). Ar hyn o bryd rydym yn gweithio mewn ffordd hybrid.
Mae ein buddion yn cynnwys 30 diwrnod o wyliau blynyddol, 2.5 diwrnod braint, oriau/patrwm gweithio hyblyg, , cynllun beicio i'r gwaith a phensiwn cyflog terfynol (6%).
Am y rôl
Mae Pennaeth Ymgysylltu a Chymunedau yn rôl arweinyddiaeth strategol sy'n canolbwyntio ar gryfhau cyfranogiad diwylliannol, ymgysylltiad cynhwysol, a phartneriaethau cymunedol dilys ledled Cymru. Byddwch yn arwain datblygiad strategaethau uchelgeisiol a chynaliadwy sy'n gosod ymgysylltiad diwylliannol fel canolbwynt i seilwaith cymdeithasol a chreadigol Cymru. Gan adrodd i'r Dirprwy Gyfarwyddwr Cydraddoldebau a Phartneriaethau, byddwch yn arwain arfer ymgysylltu cymunedol cenedlaethol, yn rheoli timau arbenigol, ac yn ymgorffori blaenoriaethau allweddol—gan gynnwys yr iaith Gymraeg, gweithredu ar yr hinsawdd, ac amrywiaeth a chynhwysiant—ar draws pob rhaglen a phartneriaeth.
Amdanoch chi
Rydym yn chwilio am unigolyn sydd â hanes profedig o ymarfer diwylliannol cyfranogol, datblygu rhaglenni strategol, ac adeiladu partneriaethau. Byddwch yn dod â gwybodaeth ddofn am ymgysylltu cynhwysol a symud cymunedau, gyda phrofiad o fynd i'r afael â rhwystrau mynediad a datblygu fframweithiau diwylliannol arloesol, dan arweiniad y gymuned. Yn angerddol am degwch a chynrychiolaeth, rydych yn fedrus wrth weithio ar draws sectorau a grymuso cymunedau heb gynrychiolaeth ddigonol i lunio ac arwain bywyd diwylliannol Cymru.
Yr Iaith Gymraeg
Mae gofynion iaith Gymraeg hanfodol i swydd Pennaeth Ymgysylltu a Chymunedau. Mae angen gallu cyfathrebu yn Gymraeg a Saesneg mewn cyfarfodydd, yn unigol ac yn gyhoeddus. Rydym yn chwilio am unigolyn sy’n deall diwylliant y wlad; perthynas amrywiol pobl Cymru gyda’r iaith Gymraeg ac sy’n ymrwymo i ddatblygu defnydd blaengar o’r Gymraeg yn ieithyddol a diwylliannol o fewn Cyngor y Celfyddydau a’r sector ehangach. Mae stori pawb gyda’r iaith yn wahanol ac rydym yn cydnabod bod lefelau hyder defnydd o’r Gymraeg yn amrywio o berson i berson. Rydym yn croesawu ceisiadau gan unigolion sydd eisiau cynyddu eu hyder a rhai sydd wedi dysgu’r iaith yn rhugl.
Amrywiaeth a chynhwysiant
Mae Cyngor Celfyddydau Cymru yn gyflogwr cynhwysol, a dymunwn adlewyrchu’r cymunedau amrywiol yr ydym yn eu gwasanaethu. Mae ceisiadau gan bobl ddiwylliannol ac ethnig amrywiol a grwpiau sydd heb gynrychiolaeth ddigonol yn cael eu hannog a’u croesawu’n gynnes. Croesewir ceisiadau yng Nghymraeg neu Saesneg a byddwn yn gohebu â chi yn eich dewis iaith. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg. Ein nod yw cymryd camau cadarnhaol i sicrhau bod pob ymgeisydd yn cael ei ddewis ar gyfer swyddi yn ôl eu haddasrwydd ar gyfer y rôl yn unig.
Bydd y Cyngor Celfyddydau yn darparu cefnogaeth i sicrhau eich bod yn teimlo’n gyffyrddus yn ymuno â’r sefydliad, y math a all fod yn newydd neu’n anghyfarwydd i chi, fel y gallwch deimlo’ch gorau yn y gwaith. Bydd mentora neu hyfforddiant hefyd yn cael ei ddarparu yn ystod y cyfnod ymsefydlu, os bydd angen
Cynllun Hyderus o ran Anabledd
Mae Cyngor Celfyddydau Cymru yn gyflogwr Hyderus o ran Anabledd, sy'n ymroddedig i gyfweld pob ymgeisydd anabl sy'n bodloni'r holl feini prawf hanfodol a nodir yn y fanyleb person.
Cyfeiriwch at ddolen Cynllun Cyflogwr hyderus o ran anabledd Gov.uk am ragor o fanylion.
Sut i ymgeisio
Cyflwynwch Ffurflen Gais a Ffurflen Monitro Cydraddoldeb, Amrywiaeth a Chynhwysiant mewn fformat Word i AD@celf.cymru. Os hoffech chi gyflwyno’ch cais mewn fformat arall, fel nodyn llais, fideo neu fideo Iaith Arwyddion Prydain, cysylltwch â ni yn gyntaf os gwelwch yn dda.
Dyddiad cau: 5yh, Dydd Gwener 8fed Awst 2025
Cyfweliadau: 21ain a 22ain o Awst 2025 (Mewn person yn ein Swyddfa yng Nghaerdydd)
Gweithio hyblyg
Wrth gefnogi ein gweithwyr i gael cydbwysedd rhwng eu gwaith a’u bywydau personol byddwn hefyd yn ystyried cynigion ar gyfer trefniadau gweithio hyblyg neu rannu swydd.
Nodwch yn glir yn eich cynnig ar gyfer unrhyw beth heblaw gweithio’r oriau a hysbysebwyd yn eich e-bost eglurhaol wrth gyflwyno’ch cais.
Mae Cyngor Celfyddydau Cymru yn gyflogwr cynhwysol, a dymunwn adlewyrchu’r cymunedau amrywiol yr ydym yn eu gwasanaethu. Mae ceisiadau gan bobl ddiwylliannol ac ethnig amrywiol a grwpiau sydd heb gynrychiolaeth ddigonol yn cael eu hannog a’u croesawu’n gynnes. Croesewir ceisiadau yng Nghymraeg neu Saesneg a byddwn yn gohebu â chi yn eich dewis iaith. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg. Ein nod yw cymryd camau cadarnhaol i sicrhau bod pob ymgeisydd yn cael ei ddewis ar gyfer swyddi yn ôl eu haddasrwydd ar gyfer y rôl yn unig.