Mae Cyngor Celfyddydau Cymru, gyda chefnogaeth Llywodraeth Cymru, wedi creu rhaglen gerddorol amrywiol ac arddangosfa gelf wych. Yn ymddangos ym mhrif raglen yr ŵyl fydd:
- Only Boys Aloud
- NoGood Boyo
- Cerys Hafana, y delynores
- Alffa, y ddeuawd roc Gymraeg
Perfformiant hefyd ym Mhafiliwn y Brythoniaid (‘le Pavillon Brythonique’) ac yno hefyd fydd:
- VRï, y triawd gwerin
- Gwilym Bowen Rhys
- Lily Beau
- Avanc, Ensemble Gwerin Ieuenctid Cymru
Yn y rhaglen hefyd bydd 3 enghraifft o gydweithio yn y prosiect, Kan An Tann. Bydd 3 cherddor o Gymru:
- Gwilym Bowen Rhys
- Cerys Hafana
- Shamoniks (Sam Humphreys)
yn perfformio gyda 3 cherddor o Lydaw:
- Léa
- Nolween Korbell
- Krismenn
Yn arddangosfa Celf Geltaidd Ewropeaidd, bydd Daniel Trivedy yn arddangos Blancedi Argyfwng Cymru a enillodd Fedal Aur yr Eisteddfod yn 2019.
Meddai Antwn Owen-Hicks, Arweinydd a Rheolwr Dirprwyaeth Cymru: "Unwaith eto y cyflwynwn arlwy gref o artistiaid sy'n adlewyrchu hyder a datblygiad ein cerddoriaeth a'n diwylliant. Canolbwyntiwn ar bobl ifanc a chydweithio gyda'n cefndryd yn Llydaw. Bydd y cydweithio’n parhau yng Nghysylltiadau Celtaidd yn Glaschu/Glasgow yn Ionawr 2023, pan gynigiwn ar y cyd gerddoriaeth o’n dwy wlad."
Nododd UNESCO y flwyddyn 2022 yn ddechrau Degawd Rhyngwladol yr Ieithoedd Brodorol. Cefnoga’r Cyngor y Llywodraeth i godi proffil y Gymraeg ac ieithoedd brodorol eraill y byd i’w hamddiffyn a’u dathlu. Bydd ein harlwy yn An Oriant yn cynnwys artistiaid Cymraeg a Llydaweg eu hiaith a fydd yn perfformio mewn gwahanol ddulliau i ddangos bwrlwm y sin gerddorol gynhenid. Ein cefndryd Cernyweg fydd hefyd yn perfformio ym Mhafiliwn y Brythoniaid. Caiff ymwelwyr felly wrando ar berfformiadau cerddorol o fore gwyn tan nos gan ddysgu am Gymru, ein diwylliant a’r cyfleoedd i ymweld â ni.
Trac, yr asiantaeth cerddoriaeth werin, sy’n rhedeg prosiectau Avanc a Kan An Tann yn yr ŵyl.
Cwmni cynhyrchu o Gaerdydd, Orchard, fydd yn rheoli rhaglen Cymru yn An Oriant. Bydd hefyd yn cynhyrchu rhaglen awr o hyd am yr ŵyl i S4C.
Nodiadau i’r golygydd
Cynrychiolir Cymru yn An Oriant gan:
Alffa
Avanc
Cerys Hafana
Gwilym Bowen Rhys
Lily Beau
NoGood Boyo
Only Boys Aloud
Shamoniks
VRï
Avanc a Kan An Tann
Ensemble Gwerin Ieuenctid Cymru yw Avanc sy’n fenter Trac, yr asiantaeth i ddatblygu cerddoriaeth werin. 12 cerddor traddodiadol ifanc sy’n chwarae yno.
Prosiect Trac arall yw Kan An Tann gyda chefnogaeth Tafwyl a Chyngor Prydeinig Cymru.
Am ragor o wybodaeth: Tim Powell o Orchard ar 07939 571553