Crëwr Preswyl Tik Tok

Taniwch eich Dychymyg

Swydd: Crëwr Preswyl Tik Tok 

Adran: Cynulleidfaoedd a Brand 

Yn Adrodd i’r: Golygydd Digidol 

Math o Swydd: Rhan amser, Cytundeb Llawrydd 

Cytundeb: 12 mis, £15,000 y flwyddyn (cyfanswm o oddeutu 5/6 diwrnod y mis) 

Amdanom Ni

Mae Canolfan Mileniwm Cymru yn gartref i’r celfyddydau yng Nghymru, ac yn grochan o greadigrwydd i’r genedl. Rydyn ni’n tanio’r dychymyg drwy guradu cynyrchiadau teithiol arobryn o’r radd flaenaf, o sioeau cerdd a chomedi i ddawns, cabaret a gŵyl ryngwladol. Rydyn ni’n meithrin doniau newydd gyda’n gweithiau ffres, pryfoclyd a phoblogaidd, sydd wedi’u gwreiddio’n ddwfn yn niwylliant Cymru. Ac rydyn ni’n ennyn angerdd pobl ifanc dros y celfyddydau gyda phrofiadau dysgu sy’n newid eu bywydau a chyfleoedd i ddisgleirio.

Crynodeb o’r Swydd

Ydych chi’n grëwr digidol arbenigol sydd yn angerddol am berfformiadau a chreadigrwydd o bob math? Rydyn ni’n chwilio am Grëwr Preswyl Tik Tok disglair a llawn dychymyg i ymuno â’n tîm yng Nghanolfan Mileniwm Cymru a helpu i adrodd ein stori, ymgysylltu â chynulleidfaoedd newydd a thyfu ein cymuned TikTok.  

Fel ein ‘TikTokiwr’ preswyl, byddwch yn gwthio presenoldeb ein brand drwy ddatblygu a gweithredu strategaethau cynnwys sy’n cyffwrdd â’r gynulleidfa darged, ac yn creu cynnwys craff sy’n adrodd stori ein brand ac yn cynyddu ymgysylltiad. Byddwch ar flaen y gad gyda’n hymdrechion cyfryngau cymdeithasol ar TikTok, gan ddod â syniadau a threndiau ffres yn fyw. Byddwch yn gyfforddus fel wyneb Canolfan Mileniwm Cymru ar TikTok, ac fel sefydliad dwyieithog, mae’r gallu i siarad Cymraeg yn fantais. 

Cyfrifoldebau Allweddol

Creu Cynnwys: 

• Datblygu, ffilmio a golygu fideos TikTok gafaelgar (1–2 yr wythnos) sy’n gweddu hunaniaeth ein brand, ein blaenoriaethau o ran adrodd stori a’n hymgyrchoedd marchnata. 

• Cynhyrchu amrywiaeth o fathau o gynnwys, megis heriau, trendiau, tiwtorialau, golygfeydd cefn llwyfan, adrodd stori a mwy. 

• Sicrhau bod pob darn o gynnwys yn gweddu i’n brand, yn ddwyieithog, yn gyson o ran arddull ac ansawdd ac wedi’i optimeiddio ar gyfer perfformiad. 

Datblygu Strategaeth:

• Cydweithio â’r tîm marchnata i ddatblygu a gweithredu strategaethau a chynlluniau TikTok. 

• Cadw wrth fron trendiau TikTok, newidiadau mewn algorithm ac arfer gorau er mwyn sicrhau bod y cynnwys yn parhau i fod yn berthnasol ac effeithiol. 

• Defnyddio dadansoddeg i fesur llwyddiant y cynnwys a gwneud penderfyniadau sydd wedi’u harwain gan ddata. Cyfrannu at adroddiadau chwarterol y sefydliad i ddangos effaith. 

Ymgysylltu:

• Ymgysylltu â’r gymuned TikTok drwy ymateb i sylwadau, cymryd rhan mewn trendiau a chydweithio â chrewyr eraill. 

• Meithrin teimlad o gymuned drwy gynnwys rhyngweithiol a dilys. 

Targedau Allweddol  

• 1–2 postiad Tik Tok yr wythnos.  

• Creu cynnwys sy’n dangos ystod lawn ein rhaglen – o sioeau masnachol, ein rhaglen cabaret, profiadau ymdrochol a’n cynyrchiadau ein hunain i’n gwaith gyda phobl ifanc ac artistiaid.  

• Cydweithio â’n tîm mewnol i bennu cynnydd yn ein cyrhaeddiad, ein hymgysylltiad a’n dilynwyr. 

Bydd gan yr ymgeisydd delfrydol y canlynol:

• Tystiolaeth o brofiad fel crëwr TikTok gyda phortffolio o gynnwys llwyddiannus. 

• Dealltwriaeth gadarn o blatfform, trendiau a chynulleidfa Tik Tok. 

• Sgiliau golygu fideo ardderchog, yn gyfarwydd ag offer a meddalwedd golygu a sgiliau dylunio graffeg sylfaenol. 

• Y gallu i feddwl yn greadigol a chreu syniadau cynnwys arloesol. 

• Sgiliau cyfathrebu a rhyngbersonol cadarn; yn ddelfrydol yn gallu siarad Cymraeg. 

• Angerdd dros ddiwylliant a’r celfyddydau yng Nghymru. 

Yr hyn rydyn ni’n ei gynnig: 

• Oriau gweithio hyblyg (er, nodwch os gwelwch yn dda y bydd y rhan fwyaf o’r ffilmio yn cael ei gynnal yng Nghanolfan Mileniwm Cymru ar amseroedd penodedig). 

• Mynediad am ddim i berfformiadau, sioeau a digwyddiadau a raglennir yng Nghanolfan Mileniwm Cymru, pan yn briodol. 

• Cyfle i gael effaith sylweddol ar ein presenoldeb ar y cyfryngau cymdeithasol, datblygu sgiliau a chael profiad mewn sefydliad cenedlaethol. 

Sut i wneud cais: 

Anfonwch eich CV, llythyr cyflwyno byr neu fideo yn esbonio pam y byddech yn addas ar gyfer y rôl, yn ogystal â phortffolio o’ch cynnwys TikTok i marchnata@wmc.org.uk.