Bore coffi nesaf Gwybodfan Celf y DU yw:
9:30am GMT | 04 Mehefin 2024
Pwnc: Sut gall artistiaid rhyngwladol baratoi ar gyfer tymor gwyliau y DU
Cyfrannwr gwadd: Rachel Downs, cynhyrhcydd arweiniol WOMEX 24 & Terry James, rheolwr cyffredinol Rock-it Cargo: Global Logistics Specialists.
Mae tymor gwyliau’r DU ar ddechrau ac yn paratoi i groesawu artistiaid rhyngwladol. Oes gennych chi gynlluniau i berfformio mewn gŵyl yn y DU? Ydych chi’n teimlo’n barod ac wedi paratoi ar gyfer gweithio yn y DU?
Mae’r sesiwn yma ar gyfer artistiaid i wrando ar gynhyrchwyr gwyliau profiadol am yr hyn maent wedi’i ddysgu wrth wahodd a chroesawu artistiaid rhyngwladol i wyliau yn y DU.
Yn ymuno â ni fydd Rachel Downs, cynhyrchydd arweiniol gyda WOMEX 24 ym Manceinion a chyn hynny bu’n gweltio yng Ngŵyl Rhyngwladol Manceinion. Bydd hi’n rhannu rhai awgrymiadau a’r hyn mae hi wedi dysgu o’i phrofiad ei hun o groesawu artistiaid rhyngwladol i wyliau y DU a beth i'w gofio wrth gynllunio’ch ymweliad.
Dyma rai cwestiynau a phwyntiau i'w hystyried cyn ac yn ystod y sesiwn os ydych chi’n cymryd rhan mewn gŵyl yn y DU:
-
Sut ydych chi’n dechrau cynllunio?
-
Beth ydych chi’n ei wneud ar ôl derbyn cadarnhad eich bod yn perfformio mewn gŵyl?
-
Pa gefnogaeth all yr ŵyl ei ddarparu ar eich cyfer?
-
A oes unrhyw beth sydd angen i chi ystyried efallai nad ydych wedi meddwl amdano eto?
-
Pa adnoddau ar-lein sydd ar gael i'ch helpu i gynllunio’ch ymweliad?
Os ydych chi’n perfformio mewn gŵyl yn y DU eleni neu’n gobeithio dod yn y dyfodol bydd hwn yn gyfle defnyddiol i wirio eich cynlluniau a’r hyn sydd angen i chi ei wneud cyn dod i'r DU.
Os ydych yn ŵyl sy’n gwahodd artistiaid rhyngwladol, neu efallai yn Ŵyl Didrwydded newydd, neu’n gynhyrchydd sy’n cefnogi artistiaid rhyngwladol i ddod i'r DU, ymunwch a ni i rannu eich profiadau yn y sesiwn gefnogol hon.
Bydd cyfle ar ddiwedd y sesiwn i rannu profiadau a gofyn unrhyw gwestiynau sydd gennych. Gallwch hefyd nodi unrhyw gwestiynau cyn y sesiwn pan fyddwch yn cofrestru neu drwy eu danfon yn uniongyrchol atom.