Wrth i Gymru baratoi ar gyfer Ewro Merched UEFA 2025 - ein twrnament menywod mawr cyntaf - rydym mewn cyfnod o drawsnewid dylanwadol.
Mae Tîm Cymru yn cynrychioli mwy na phêl-droed; rydym yn symudiad sy'n harneisio pŵer chwaraeon a diwylliant i yrru newid cadarnhaol ledled Cymru a thu hwnt.
Mae ein datganiad gwerthoedd yn deillio o safle unigryw Cymru fel cenedl sydd wedi ymgorffori lles cenedlaethau'r dyfodol yn gyfreithiol drwy Ddeddf Llesiant Cenedlaethau'r Dyfodol (Cymru) 2015. Mae'r fframwaith deddfwriaethol hwn yn cydnabod bod lles amgylcheddol, cymdeithasol, economaidd a diwylliannol yn gysylltiedig - a bod gan ddiwylliant bwysau cyfartal ochr yn ochr â phileri cynaliadwyedd eraill.
Gan dynnu ar werthoedd Cymreig canrifoedd oed chwarae teg a haelioni, mae dull Tîm Cymru yn adlewyrchu ein cred bod chwaraeon a diwylliant yn rymoedd pwerus dros gyfiawnder, cydraddoldeb a grymuso. Mae ein gwerthoedd wedi'u gwreiddio yn strategaeth PAWB Cymru Cymdeithas Bêl-droed Cymru ac yn cyd-fynd ag ymrwymiadau Cymru fel Cymru Gwrth-hiliol a Chenedl Noddfa.
Mae Ewro Merched UEFA 2025 yn darparu llwyfan digynsail i ddangos sut y gall gwerthoedd Cymru ysbrydoli newid. Drwy ein dull galwad ac ymateb, nid ydym yn chwarae mewn twrnament yn unig - rydym yn creu etifeddiaeth sy'n codi cymunedau, yn grymuso'r genhedlaeth nesaf o arweinwyr, ac yn arddangos Cymru fel cenedl sy'n arwain gyda'i gwerthoedd.
Dyma ein hymrwymiad i sicrhau bod gan bawb le yng ngweledigaeth Tîm Cymru am ddyfodol tecach a mwy cynhwysol.
Pobl a sefydliadau sydd wedi arwyddo'r datganiad:
- Maggie Russel, Cadeirydd- Cyngor Celfyddydau Cymru
- Dafydd Rhys, Prif Weithredwr - Cyngor Celfyddydau Cymru
- Eluned Hâf, Pennaeth Celfyddydau Rhyngwladol Cymru - Cyngor Celfyddydau Cymru
- Sian Lewis, Prif Weithredwr - Urdd Gobaith Cymru
- Noel Mooney, Prif Weithredwr - Cymdeithas Pêl-droed Cymru
- Ruth Cocks, Cyfarwyddwr - British Council Cymru
- Dagmar Bennet - Clwb Creative Cymru
- Phie Mckenzie - Clwb Creative Cymru
- Tim Hartey - Expo'r Wal Goch
- Kelly Davies - Ashoka UK
- Elan Evans - Merched yn Gwneud Miwsig
- Yusuf Ismail - UNIFY Creative
- Shawqi Hasson - UNIFY Creative
- Adrian M. Jones, Pennaeth y Tîm Cynhyrchu - Orchard