Teitl y Swydd: Cynhyrchydd Celfyddydau Gweledol
Contract: Llawrydd/Contract Cyfnod Penodol
Hyd: Diwedd mis Mai - mis Rhagfyr 2025
Ffi: 25 niwrnod ar gyfradd ddyddiol o £250 - £350 = rhwng £6250 a £8750.
Lleoliad: Abertawe (gyda gweithio hyblyg yn ôl yr angen)
Dyddiad cau estyndig ar gyfer gwneud cais: canol dydd, 13 Mai 2025
Cyfweliadau ar-lein: 3 a 4 Mehefin 2025
Ynghylch y rôl
Mae Cyngor Abertawe’n chwilio am Gynhyrchydd Celfyddydau Gweledol profiadol a threfnus iawn i arwain ar ddigwyddiadau ac arddangosfeydd celfyddydau gweledol Penwythnos Celfyddydau Abertawe, yn dilyn cynnal Penwythnos Celfyddydau Abertawe am y tro cyntaf yn 2024. Bydd Penwythnos Celfyddydau Abertawe, a gynhelir mewn lleoliadau a mannau cyhoeddus yn y ddinas, yn arddangos dawn greadigol gyfoethog y ddinas drwy berfformiadau byw, arddangosfeydd, gweithdai a mwy.
Rydym yn chwilio am gynhyrchydd â hanes o gyflwyno digwyddiadau diwylliannol uchelgeisiol a chynhwysol. Byddwch yn hyderus wrth reoli partneriaethau, cydlynu timau, goruchwylio logisteg, arwain ar amserlennu celfyddydau gweledol, a sicrhau cyflwyno o ansawdd uchel o'r dechrau i'r diwedd.
Cyfrifoldebau Allweddol
- Arwain y gwaith o ddatblygu, cynllunio a chyflwyno arddangosfeydd a digwyddiadau celfyddydau gweledol aml-leoliad ar gyfer Penwythnos Celfyddydau Abertawe, gan weithio'n agos gydag uwch-reolwyr y cyngor, swyddogion y cyngor, partneriaid, lleoliadau a'r sector diwylliannol ehangach.
- Rheoli amserlenni cynhyrchu, cyllidebau, contractau, a logisteg digwyddiadau.
- Gweithio'n agos gyda'r tîm marchnata digwyddiadau.
- Comisiynu a chydlynu artistiaid, lleoliadau a thimau creadigol.
- Goruchwylio unrhyw isadeiledd digwyddiadau, hygyrchedd, trwyddedu, a gofynion iechyd a diogelwch, os oes rhai, nad ydynt o fewn unrhyw feysydd comisiynu.
- Monitro cynnydd yn erbyn amcanion y cyngor a'r Gronfa Ffyniant Gyffredin a Dangosyddion Perfformiad Allweddol.
- Sicrhau bod cynhwysiant, cynaliadwyedd a chreadigrwydd wrth wraidd y modd y cyflwynir y penwythnos.
- Arwain ar gyflwyno digwyddiadau yn ystod y penwythnos a darparu mewnbwn gwerthuso ar ôl y digwyddiad.
Rydym yn chwilio am rywun a chanddo:
- Brofiad sylweddol o gynhyrchu arddangosfeydd a digwyddiadau celfyddydau gweledol o ansawdd uchel sy'n cynnwys elfennau sy'n wynebu'r cyhoedd ac amryfal bartneriaid.
- Sgiliau amserlennu digwyddiadau cyhoeddus cryf.
- Sgiliau trefnu a rheoli prosiectau cryf, gan gynnwys rheoli cyllideb.
- Hyder wrth weithio ar draws sawl ffurf a fformat celf, gyda ffocws ar y celfyddydau gweledol.
- Profiad o weithio gydag awdurdodau lleol, sefydliadau creadigol a grwpiau cymunedol.
- Dull cydweithredol a chynhwysol o weithio gyda phobl.
- Sgiliau datrys problemau digyffro, yn enwedig mewn amgylcheddau byw.
Cais
I wneud cais, anfonwch:
- Datganiad byr (hyd at 2 dudalen) yn amlinellu eich profiad a'ch ymagwedd at arddangosfeydd a digwyddiadau'r celfyddydau gweledol megis Penwythnos Celfyddydau Abertawe.
- Eich ffi.
- Eich CV.
- 2 eirda sy'n dangos eich profiad.
- Enghreifftiau o waith blaenorol (neu ddolen i'ch portffolio).
E-bostiwch eich cais at kate.wood@abertawe.gov.uk erbyn canol dydd, 13 Mai 2025.
Ei ariennir gan Lywodraeth y DU drwy Gronfa Ffyniant Gyffredin y DU