Galw am Hwyluswyr Theatr Ieuenctid
Crynodeb o’r Swydd
Rydym yn chwilio am hwyluswyr deinamig ac ymroddedig i ddarparu sesiynau theatr wythnosol i bobl ifanc yn Sir Fynwy, fel rhan o'r Prosiect Dyfodol Creadigol.
Dyfodol Creadigol
Mae'r Prosiect Dyfodol Creadigol yn rhoi llais drwy'r celfyddydau perfformio, gan gefnogi pobl ifanc yn Sir Fynwy i wneud, dysgu a mwynhau theatr, a phrofi'r manteision anhygoel a ddaw yn ei sgil.
Mae'r prosiect, sydd wedi ymrwymo i rymuso pobl ifanc, yn cynnwys nifer o sefydliadau celfyddydol ac ieuenctid, gan ddatblygu rhwydwaith o ofodau a chyfleoedd sy'n rhoi pwyslais ar archwilio a mwynhau ymarfer creadigol.
Nod y prosiect yw ysbrydoli sgwrsio ymhlith pobl ifanc a datblygu rhaglen wirioneddol ddiddorol sy'n seiliedig ar archwilio materion sy'n dod i'r amlwg fel y rhai mwyaf cyfredol a phwysig iddynt.
Mae'r prosiect hwn yn cael ei ariannu gan lywodraeth y DU drwy Gronfa Ffyniant Gyffredin y DU.
Cyfrifoldebau
Byddwch yn gweithio gyda hwylusydd arall i gyflwyno rhaglen weithdai o ansawdd uchel sy'n ennyn diddordeb cyfranogwyr, gan archwilio’u straeon a rennir a rhai unigol, a gweithio gyda nhw i ddyfeisio ystod o ddarnau, gan gynnwys y profiad o ddiweddglo theatr ar gyfer y cyhoedd.
Byddwch yn goruchwylio sesiynau deinamig sy'n ysbrydoli ac yn grymuso pobl ifanc, gan eu galluogi i archwilio’u potensial, meithrin ymddiriedaeth gyda chyfranogwyr a chreu amgylchedd diogel lle maent yn teimlo eu bod yn cael eu cefnogi ac yn gallu mwynhau creadigrwydd.
Bydd angen i chi fod ar gael i gyflwyno sesiynau ar un noson o'r wythnos neu ddydd Sadwrn yn ystod y dydd, yr wythnos Bydd hefyd yn ofynnol i chi gymryd rhan yn y gwaith o ddarparu a gwerthuso adborth y sesiwn.
Rhaid i bob ymgeisydd fod yn hunangyflogedig a bod â'u Hyswiriant Atebolrwydd Cyhoeddus eu hunain.
Profiad
- Profiad o weithio gyda phobl greadigol eraill ar brosiectau celfyddydol cyfranogol.
- Profiad o weithio gyda phobl ifanc 11 – 19 oed.
- Profiad o ddyfeisio prosiectau perfformio mewn amgylchedd dan arweiniad ieuenctid.
- Dangos ymarfer creadigol cynhwysol a dychmygus.
- Mae’r gallu i siarad Cymraeg yn ddymunol
Sgiliau Personol
- Ymrwymiad i ragoriaeth ac arloesedd mewn ymarfer creadigol.
- Bod â chred yng ngrym trawsnewidiol ymarfer creadigol ar gyfer pobl ifanc.
- Y gallu i wrando, cyfathrebu ac empathi â phobl ifanc o ystod amrywiol o gefndiroedd.
- Dealltwriaeth o, neu fod yn agored i ddysgu am, arfer cynhwysol a'r rhwystrau y gallai pobl ifanc eu hwynebu wrth gael mynediad i'r celfyddydau.
- Gallu creu amgylchedd croesawgar, diogel a chadarnhaol lle mae pobl ifanc yn teimlo'n ddiogel.
- Byddwch yn ymrwymedig i'r lefelau uchaf o hygyrchedd a chynhwysiant yn eich arferion gwaith.
Lleoliadau
Bydd y sesiynau'n cael eu lleoli yn Y Fenni a Chil-y-coed. Bydd angen i'r artist allu teithio a gweithio wyneb yn wyneb mewn un neu'r ddau leoliad.
Cyfnod/Amserau
Bydd y sesiynau'n rhedeg yn ystod y tymor o fis Ionawr tan y Pasg, gyda'r bwriad o barhau hyd at a gan gynnwys Gorffennaf 2024.
Ffi
£130.00 - 150.00 y sesiwn
Sut i wneud cais
I drafod y rolau, e-bostiwch, neu ffoniwch 01633 644008. Danfonwch bob cais at katherinemcdermidsmith@monmouthshire.gov.uk
Dylech gynnwys CV cyfredol yn eich cais, gan gynnwys dau eirda. Dylech hefyd gynnwys naill ai datganiad 500 gair neu fideo 2 funud, yn esbonio sut y byddwch chi a'ch ymarfer yn diwallu anghenion y rôl a gweledigaeth y prosiect. Rhowch ddolen i bortffolio ar-lein os gwelwch yn dda, lle bo angen.
Y dyddiad cau ar gyfer ceisiadau yw dydd Gwener 12ed Ionawr, 2024.