Dyma dy gyfle i ymuno â Next Up Academy gan Ganolfan Mileniwm Cymru, cwmni perfformio arloesol sy’n cyfuno hip hop a theatr i uwchraddio lleisiau pobl ifanc, herio canfyddiadau a dod â materion cymdeithasol cyfredol i’r rheng flaen.
Eleni rydyn ni’n cynnal sesiwn castio agored i ddewis uchafswm o 15 o bobl ifanc a fydd yn ffurfio ein cwmni craidd ar gyfer 2024/25. Yn y sesiwn castio byddi di’n cael cyfle i weithio gyda hwyluswyr o’r radd flaenaf o’r byd hip hop a theatr.
Rydyn ni’n chwilio am bobl ifanc 16–25 oed sydd:
- Â chefndir mewn ‘djing’ / graffiti / ‘mcing’ / brecddawnsio
- Â chefndir mewn cerddoriaeth / theatr/ dawns / gair llafar
- O gefndir Du, Asiaidd neu ethnig amrywiol
- O unrhyw grŵp arall a ymyleiddiwyd
Os cei di dy ddewis i ymuno â Next Up Academy, bydd angen i ti ymrwymo i bob ymarfer a fydd yn cael ei gynnal ar nos Lun 6pm–8pm yn ogystal â phenwythnosau achlysurol cyn y perfformiad (ar 27 Ebrill 2025) felly dylet ti ond wneud cais os wyt ti ar gael.
Rydyn ni’n edrych ymlaen at gwrdd â ti!