Mae ceisiadau MEITHRIN ar AGOR! Os ydych yn artist, yn wneuthurwr theatr, yn berfformiwr, yn gwmni neu'n grŵp gyda syniad newydd yr hoffech ei archwilio yna rydyn ni eisiau clywed oddi wrthych. Gyda cheisiadau bellach ar agor, dyma’r amser gorau i wneud cais a rhoi cynnig ar syniad newydd.
MEITHRIN yw noson sgratsh-berfformio Glan yr Afon sy'n caniatáu i gynulleidfaoedd gwrdd ag artistiaid wrth iddynt rannu perfformiadau byr o waith newydd sbon sydd ar y gweill, gan alluogi adborth gwerthfawr a sgyrsiau hanfodol.
Mae'r digwyddiadau hyn yn ffordd gyffrous, difyr, arbrofol ac anffurfiol i berfformwyr rannu syniadau newydd gyda chynulleidfa fyw. Gwahoddir cynulleidfaoedd i roi adborth ar bopeth maen nhw'n ei weld, gan helpu'r artist gyda'i ddatblygiad.
Mae'r gwaith bob amser yn amrywiol a gallai fod yn rhywbeth cerddorol, rhywbeth wedi'i sgriptio, rhywbeth corfforol, rhywbeth digidol neu unrhyw beth yn y canol. Mae MEITHRIN yn cynnig llwyfan agored ar gyfer syniadau newydd, beth bynnag y bônt.
Rydym yn cynnig cyfle i Artistiaid/Grwpiau wneud cais am breswylfa fer yng Nglan yr Afon. Bydd y preswylfeydd hyn yn cael eu cefnogi gan y tîm mewnol, ac yn cynnwys pum diwrnod o le pwrpasol yn Theatr a Chanolfan Gelfyddydau Glan yr Afon, cymorth technegol wedi'i deilwra ar gyfer y perfformiad, cymorth ariannol o £200 fesul Artist/Grŵp ar gyfer treuliau, fersiwn wedi'i ffilmio o'r gwaith ar gyfer datblygu yn y dyfodol, ac arweiniad gan Gynhyrchydd Creadigol.
Mae llawer o berfformiadau MEITHRIN wedi mynd ymlaen i gael eu cefnogi drwy Glan yr Afon a Chyngor Celfyddydau Cymru ar gyfer datblygiad pellach.
Os ydych yn artist, yn wneuthurwr theatr, yn berfformiwr, yn gwmni neu'n grŵp gyda syniad newydd yr hoffech ei archwilio yna mae croeso i chi gysylltu â ni a gwneud cais nawr! Mae ceisiadau'n cau ddydd Llun 29 Ebrill am 5pm. Gwnewch gais yma!
Eisiau bod yn rhan o'r gynulleidfa? Bydd ein perfformiad MEITHRIN yn cael ei gynnal ddydd Iau 6 Mehefin am 7pm. Rydym yn gobeithio am flwyddyn o greadigrwydd, arbrofi a pherfformio. Dewch draw, byddwch yn rhan o'r gynulleidfa ac ymgysylltu. Archebwch eich tocynnau yma!