Gwerthusiad Tendr Sharing Hope
Mae Bwrdd Iechyd Prifysgol Bae Abertawe yn gwahodd ceisiadau gan feddygon ymgynghorol/ sefydliadau profiadol i ymgymryd â gwerthusiad o’n menter llesiant staff 'Sharing Hope'.
Am y Prosiect
Mae Sharing Hope yn ddull Celf ac Iechyd i les staff y GIG. Fe'i datblygwyd mewn ymateb i waith ymchwil ar yr effaith ar iechyd meddwl staff wrth i wasanaethau'r GIG dod allan o Bandemig COVID. Awgrymodd gwaith ymchwil fod y trawma moesol a brofwyd gan staff yn eu rhoi mewn mwy o berygl o iechyd meddwl gwael a bod angen i ni fel cyflogwr ddarparu ar gyfer ein gofalwyr. Gyda chyllid gan y Sefydliad Baring a Chyngor Celfyddydau Cymru, ac yn cydweithio gyda chynrychiolwyr staff rydym wedi dablygu Sharing Hope.
Beth yw Sharing Hope
Mae Sharing Hope yn galluogi i staff defnyddio dull creadigol i fynegi beth nad ydynt yn gallu cyfleu gyda geiriau. Mae'n creu ymyriadau creadigol er mwyn darparu cymorth cyfoedion neu atgyfeiriad ymlaen i'r gwasanaethau arbenigol, er mwyn hybu a chefnogi lles staff.
Mae'r prosiect yn cynnig model 3 haen,
- Grwpiau Celf Agored
- Heriau penodol gwasanaeth / ward mewn sesiynau celf bwrpasol fwy bach
- Cymorth un i un ac atgyfeiriad ymlaen i wasanaethau arbenigol os oes angen
Pwy yw Sharing Hope
Mae'r Tîm Sharing Hope yn amlddisgyblaethol, sy'n cynnwys Arlunydd, Seicotherapydd Celf, Nyrs Iechyd Meddwl, Arweinydd Atal Hunanladdiad ac Arweinydd Celfyddyd ac Iechyd.
Gweithgaredd
Ers i ddarparu dechrau yn Ebrill 2022 mae dros 1000 staff BIPBA wedi ymgysylltu mewn dros 120 o ddigwyddiadau Sharing Hope.
Cydnabyddiaeth
Cyrhaeddodd y prosiect y rownd derfynol ar gyfer y Gwobrau Diogelu Cleifion HSJ ac enillodd y Gwobrau Gweithlu'r Nursing Times - Menter Lles Staff Gorau ym mis Tachwedd 2023.
Gwybodaeth Gwerthusiad Presennol
Rydym wedi casglu gwybodaeth werthuso gan staff unigol sy’n mynychu sesiynau ar ffurf graddio, geiriau allweddol a sylwadau, sy'n dangos ymateb positif llethol gan gyfranwyr ac amrywiaeth helaeth o fanteision i'w lles.
Bydd y wybodaeth hon yn cael ei rhannu gyda darparwyr llwyddiannus.
Gwasanaethau Gofynnol
Rydym yn edrych am werthusiad allanol a fydd yn darparu gwybodaeth ar yr effaith yn yr ardaloedd canlynol:
- Effaith cyffredinol ar les y gweithlu,
- Effeithiolrwydd Sharing Hope fel ataliad a phrosiect ymyrraeth gynnar ar gyfer lles staff
- Asesiad o leihad mewn risg o niwed gan hunanladdiad neu hunan-niweidio i staff
- Cymhariaeth gyda'r practis gorau ar gyfer menter lles staff
- Effaith ar ein cymuned leol, yn enwedig ar ein perthnasau gyda'r gymuned gelfydd
- Allosodiadau Ariannol yn seiliedig ar effaith ar ddargadwad, salwch
Hoffem i'r gwerthusiad darparu argymhellion ar
- Y meysydd sy'n cael yr effaith fwyaf drwy'r prosiect
- Ardaloedd o orgyffwrdd â gwasanaethau eraill
- Cyfleoedd heb eu harchwilio ar gyfer datblygiad pellach
Methodoleg
Rydym yn croesawu arweiniad darparwyr ar sut y byddent yn cynnal y gwerthusiad a byddwn yn gweithio ar y cyd â nhw i ddatblygu fframwaith gwerthuso. Mae croeso i ddulliau creadigol.
Mae gennym ddiddordeb arbennig mewn ceisiadau sy'n dangos dealltwriaeth o natur gymhleth casglu data mewn lleoliadau gofal iechyd, economeg iechyd a dadansoddi costau / budd.
Amserlen a Chyllideb
Gwerthusiad i'w gynnal rhwng 1 Mawrth a 1 Mehefin 2024.
Disgwylir i'r adroddiad terfynol gael ei gwblhau erbyn 30 Mehefin 2024.
Y gyllideb yw £10,000, a rhaid iddo gynnwys yr holl gostau a TAW (os yw'n berthnasol).
Y dyddiad cau ar gyfer cyflwyno tendrau yw dydd Llun 5 Chwefror 2024 erbyn 5pm. Bydd ymgeiswyr yn cael gwybod am ganlyniad y cais fesul e-bost neu ffôn erbyn dydd Gwener 9 Chwefror 5pm.
Y Broses Gwneud Cais
Cyflwynwch gynigion wedi'u cwblhau i Johan B. Skre, Cydlynydd y Celfyddydau. trwy e-bost: johan.skre@wales.nhs.uk gyda'r pwnc 'Ffurflen Gais Tendro Sharing Hope'.
O fewn y Ffurflen Gais, ceisiwch gynnwys.
- Enghreifftiau o waith blaenorol gyda gwybodaeth ar sut mae'n ymwneud â'r briff hwn. e.e. Cynhwyswch enghraifft o werthusiad yr ydych wedi'i gynnal
- Datganiad am eich methodoleg a'ch dull gwerthuso y byddech yn eu defnyddio
- Sut fyddech chi'n mynd ati i gasglu'r wybodaeth berthnasol?
- Unrhyw gyfryngau/delweddau perthnasol o'ch gwaith
- Dadansoddiad o sut y byddech yn defnyddio'r ffi a llinell amser cychwynnol
Cais i fod o dan 2 dudalen (A4)
Hanfodion
- Profiad o werthuso mewn lleoliadau iechyd neu ofal
- Profiad o brosiectau lles staff
- Pecyn cymorth amrywiol o ddulliau ar gyfer casglu data ac asesu effaith
- Profiad o werthusiadau o natur debyg (dadansoddi celfyddydau/iechyd/cost-fanteisio)
- Gallu darparu 2 geirda
- Gwiriadau DBS ar gyfer unrhyw staff sy'n gysylltiedig
- Dealltwriaeth o lywodraethu gwybodaeth
Dymunol
- Profiad/Diddordeb yn y Celfyddydau ac Iechyd
- Y gallu i weithio drwy gyfrwng y Gymraeg
- Gwybodaeth am astudiaethau perthnasol neu debyg.
- Llwybrau perthnasol i gyhoeddi canfyddiadau
- Dulliau creadigol ar gyfer ymgysylltu â rhanddeiliaid
Rhaid i'r holl ddogfennau tendro fod ar ffurf PDF neu Word gan gynnwys llofnod electronig.
Ymholiadau
Dylid anfon pob ymholiad sy'n ymwneud â'r gystadleuaeth dendro hon drwy e-bost yn unig at johan.skre@wales.nhs.uk gyda'r llinell bwnc: 'Ymholiad gwerthusiad Sharing Hope'. Rhaid cyflwyno pob ymholiad erbyn 1 Chwefror 2024 5pm.
Mae Bwrdd Iechyd Prifysgol Bae Abertawe yn cadw'r hawl ar unrhyw adeg cyn y dyddiad cau tendro i ddiweddaru, canslo neu ddiwygio'r wybodaeth sydd yn y ddogfen dendro a/neu i ymestyn y dyddiad cau tendr.