Rheolwr Prosiect Uwch, Datblygu Cynllun Hygyrchedd

Mae Cyngor Celfyddydau Cymru yn cydweithio â Chyngor Celfyddydau Lloegr, Cyngor Celfyddydau Gogledd Iwerddon, Yr Alban Greadigol a Sefydliad Ffilm Prydain i ddatblygu cynllun cerdyn hygyrchedd newydd ledled Prydain ar gyfer aelodau anabl o'r gynulleidfa. Ariennir y swydd gan Gyngor Celfyddydau Lloegr a'i chynnwys gan Gyngor Celfyddydau Cymru.

Mae'n swydd newydd a chyffrous i gydarwain cam cyntaf y gwaith ymchwil a datblygu i lywio comisiynu’r cynllun ledled Prydain. Bydd yn adeiladu ar waith rhaglen Hynt a sefydlwyd eisoes gan Gyngor Celfyddydau Cymru: hynt.

Uchelgais y cynllun yw:

• dileu'r rhwystrau sy'n wynebu cynulleidfaoedd anabl, B/byddar a niwroamrywiol wrth archebu tocynnau ar-lein ac all-lein ar gyfer digwyddiadau celfyddydol a diwylliannol
• rhoi cymorth i leoliadau a sefydliadau diwylliannol sy'n cymryd rhan i ddatblygu mannau a rhaglenni hygyrch a chynhwysol ar gyfer aelodau o'r gynulleidfa

Amdanoch chi

Byddwch yn rheolwr prosiect medrus a bydd eich gwaith yn y swydd yn cynnwys bod â chyfrifoldeb ar y cyd dros reoli prosiectau'r cynllun newydd, gan sicrhau bod gwaith yn cael ei gyflawni'n brydlon ac yn ôl y gyllideb. Byddwch yn ymgynghori â rhanddeiliaid mewnol ac allanol, gan gynnwys pobl anabl, darparwyr systemau swyddfa docynnau, lleoliadau a chynrychiolwyr o gyrff y diwydiant.

Yn ddelfrydol, byddwch yn gallu dechrau yn y swydd ar unwaith yn amodol ar gyflawni gwiriadau cyn cyflogi.

 

Sut i ymgeisio

Cyflwynwch Ffurflen Gais mewn fformat Word a Ffurflen Monitro Cyfle Cyfartal i AD@celf.cymru

Os hoffech gyflwyno cais mewn fformat arall, cysylltwch ag Adnoddau Dynol.

Rydym yn gweithio yn y Gymraeg a'r Saesneg ac mae rhuglder yn y Gymraeg yn ddymunol ar gyfer y swydd. Rydym yn cefnogi'r holl staff i ddatblygu a gwella eu sgiliau Cymraeg.

Dyddiad cau:                         12:00pm (canol dydd), dydd Llun, 10 Ionawr 2022                  

Cyfweliadau (ar-lein):          Dydd Mercher, 19 Ionawr 2022    

Dyddiad dechrau:                 ar unwaith (yn amodol ar wiriadau cyn cyflogi)

Mae ein manteision yn cynnwys oriau/patrwm gwaith hyblyg a gwyliau hael.

Rydym yn gweithredu Polisi Recriwtio Cyfle Cyfartal ac yn croesawu ceisiadau gan bob rhan o'r gymuned yn Gymraeg neu yn Saesneg. Byddem yn croesawu'n arbennig geisiadau gan ymgeiswyr sy'n anabl, B/byddar a/neu niwroamrywiol a all ddod â'u profiad personol i'r gwaith.

Bydd y Cyngor yn darparu cymorth i sicrhau eich bod yn teimlo'n gyfforddus wrth ddechrau gweithio gyda ni. Bydd mentora neu hyfforddiant hefyd ar gael yn ystod y cyfnod ymsefydlu, os oes angen.

35 awr yr wythnos

Contract cyfnod penodol tan 31 Mawrth 2022 (gyda’r posibiliad o estyniad gan ddibynnu ar arian pellach)

Cyflog: £43,604 y flwyddyn

Lleoliad: mewn un o swyddfeydd Cyngor Celfyddydau Cymru yng Nghaerdydd, Bae Colwyn neu Gaerfyrddin. Ar hyn o bryd rydym yn gweithio gartref.