Mae Cwmni Dawns Cenedlaethol Cymru’n chwilio am grŵp amrywiol o bobl i ymuno â ni, sy’n gallu helpu i ysbrydoli pobl Cymru a’r byd gyda dawnsio gwych. Rydym eisiau canfod dulliau newydd o weithio i gyrraedd pobl newydd a gwahanol - i gyflawni ein cenhadaeth i fynegi syniadau y tu hwnt i eiriau, gan archwilio’r hyn y mae’n ei olygu i fyw yng Nghymru a’r byd yn yr oes sydd ohoni.

Mae’n hanfodol eich bod yn rhannu ein hymroddiad a’n brwdfrydedd dros newid cymdeithasol a chynaliadwyedd. Rydym yn chwilio am hyd at 4 o ymddiriedolwyr newydd, sy’n meddu’n arbennig ar sgiliau o ran ymgysylltu â dawns a pherfformio, ynghyd â sgiliau cyllid a chyfrifyddu, cyfathrebu a digidol, ymhlith eraill. Bydd pob ymddiriedolwr yn gwasanaethu am hyd at 2 dymor o 3 blynedd yr un.

Mae ehangu ymgysylltiad, hyrwyddo arloesedd, dadlau o blaid dawns a meithrin ein gwydnwch wrth wraidd popeth a wneir gan CDCCymru. Rydym wedi ymrwymo i sicrhau bod pawb yng Nghymru’n cael cyfleoedd cyfartal i gael mynediad i fyd dawns.

Rydym yn mynd ati’n arbennig i annog ceisiadau gan bobl nad ydynt yn cael eu cynrychioli’n ddigonol yn y sector dawns, a gan y rheiny sy’n profi gwahaniaethu. Rydym yn ymroddedig i ddiwallu anghenion o ran mynediad; rhowch wybod i ni beth sydd ei angen arnoch. Mae’r swyddi’n ddi-dâl, ond gellir ad-dalu costau.

Am ragor o wybodaeth a phecyn ymgeisio sydd ar gael mewn sawl fformat, ymwelwch â’n gwefan os gwelwch yn dda, https://ndcwales.co.uk/cy/ymddiriedolwyr 

Mae’r pecyn yn egluro sut i gysylltu â’r Cadeirydd am sgyrsiau rhagarweiniol.

Y dyddiad cau ar gyfer ceisiadau yw hanner dydd, dydd Llun 22 Ionawr 2024.

 

Cofrestrwyd fel Cwmni Cyfyngedig Drwy Warant yng Nghymru a Lloegr o dan rif 1672419

Cofrestrwyd fel Elusen yng Nghymru a Lloegr o dan rif 326227

 

Dyddiad cau: 22/01/2024